| e-texts navigator |
| Wylie |
19a1 འགྱུར་མེད། ཆོས་ཐམས་ཅད་སྟོན་པ་ཀུན་ཏུ་བཟང་པོ་ཡིན་པས་རྒྱུ་འབྲས་དང་། ཕྱོགས་རིས་དང་། ཉེ་རིང་མེད་པར་ལ་རྦད་ཀྱིས་བཅད་དེ་བསྟན་པས་དོན་དེ་བཞིན་དུ་གོ་ཞིང་རྟོགས་པར་གྱུར
19a2 ཅིག། གོང་བཞིན་རྟོགས་པས་བདག་དང་མཐའ་ཡས་སེམས་ཅན་ཐམས་ཅད་སངས་མི་རྒྱས་པའི་དབང་མེད་དེ་མངོན་པར་རྫོགས་པར་སངས་རྒྱས་པར་གྱུར་ཅིག། བདག་གིས་སྟོན་པ་ཀུན་ཏུ་བཟང་པོའི་བཀའ
19a3 བཞིན་དུ། རྒྱུ་གདོད་མ་ནས་དག་པས་ཆགས་པ་ནི་འབྲས་བུ་སྐུ་གསུང་ཐུགས་ལ་ཡང་མ་ཆགས། འབྲས་བུ་བཙལ་བ་མེད་པར་སངས་རྒྱས་པས་བྲལ་བ་ནི་སྔགས་དང་ཕྱག་རྒྱ་དང་ཡང་མ་བྲལ།། ཐམས་ཅད་ཀུན་ཏུ
19a4 བཟང་པོ་ཡིན་པས་སྤངས་ནི་རྟོག་པ་གང་ཡང་མ་སྤངས། ཡེ་ནས་ཁྱབ་གདལ་ཆེན་པོའི་ངང་དུ་སངས་རྒྱས་པས་རིག་ནི་འབྱུང་བ་ལྔ་ལ་ཡང་མི་ལུས། མཁྱེན་པའི་ཡེ་ཤེས་ལ་སྣང་བའི་ཉི་མ་ཤར་བས་རྟེན་ནི་ཡེ་ཤེས
19a5 ལྔ་ལ་ཡང་མི་འཆའ། རང་བྱུང་གི་ཡེ་ཤེས་མ་བཅོས་པར་ཀུན་གཞི་གནས་པས་དངོས་གྲུབ་ནི་སངས་རྒྱས་ལའང་དེ་ལས་མེད་པས། འདི་ལྟར་རྟོགས་ཤིང་ཚིག་ཏུ་བརྗོད་པས། འཕོ་འགྱུར་མེད་པའི་གནས་ཤེས་པས
19a6 སྐྱེ་ཤི་མེད་པའི་ཚེར་གྱུར། དོན་འདི་བསྟན་པས་ཀྱང་བདག་དང་མཐའ་ཡས་པའི་སེམས་ཅན་ཐམས་ཅད་སངས་མི་རྒྱ་བའི་དབང་མེད་དེ་སངས་རྒྱས་པར་གྱུར་ཅིག། འཁོར་བ་དང་མྱ་ངན་ལས་འདས་པའི
iiif viewer powered by OpenSeadragon
