| e-texts navigator |
| Wylie |
35a1 བྱང་མཚམས་དྲི་མེད་ཀོ་ཤའི་མཚོ་ལ་ཐོག་བབས་པ་ལྟར་སོང་བ་གཟིགས་སོ།། དེ་ནས་འཇིག་རྟེན་གྱི་ཁམས་འོད་དུ་འབར་ཏེ་འོད་ཟེར་ཕྱོགས་བཅུར་འཕྲོས་སོ།། ལུང་བསྟན་རྗེས་སུ་གནང་བའི་རྒྱུད
35a2 ལས། གླེང་བསླངས་པའི་ལེའུ་སྟེ་གཉིས་པའོ།། །། ག་ཏུ་ཙཏ། དེ་ནས་པདྨ་འཕྲེང་འཛིན་གྱིས།། དཔལ་ཆེན་པོ་ལ་འདི་སྐད་ཞུས།། ཀྱེ་ཀྱེ་དཔལ་ཆེན་འོད་དཔག་མེད།། ཡི་གེ་འོད་ཀྱིས་རབ་བརྒྱན་པ།། དྷ་ན་ཀོ
35a3 ཤའི་མཚོ་ལ་བབས།། འཇིག་རྟེན་ཁམས་ཀྱང་འོད་དུ་འབར།། འདི་ཡི་མཚན་ཉིད་ཇི་ལྟ་བུ།། མོས་པའི་འཁོར་ལ་གསུང་དུ་གསོལ།། དེ་ནས་དཔལ་ཆེན་འདི་སྐད་གསུང་།། ཉོན་ཅིག་དྲི་མེད་པད་འཕྲེང
35a4 འཛིན།། བདག་གི་ཐུགས་ཁ་ནས་བྱུང་བའི།། ཧྲི་དམར་འོད་ཟེར་འདུས་པ་འདི།། ཀོ་ཤའི་མཚོ་ལ་བབས་པ་འདི།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུང་ཐུགས་ཀྱི་སྲས་གཅིག་པུ།། སྙིགས་མའི་འགྲོ་བ
35a5 དྲེན་པའི་དཔལ།། པདྨ་གེ་སར་སྙིང་པོ་ལ།། འདས་གྲོངས་མི་མངའ་རྡོ་རྗེའི་སྐུ།། འགྲོ་བ་འདྲེན་པའི་ལྕགས་ཀྱུ་མཆོག། སྡུག་བསྔལ་ནད་སེལ་སྨན་གྱི་རྒྱལ།། པདྨ་འབྱུང་གནས་ཞེས་བྱ་བ། ཁྱེ་ཆུང་ལོ་བརྒྱད་ཚུལ
35a6 དུ་འབྱུང་།། མཐའ་ཡས་བདག་དང་གཉིས་སུ་མེད།། དུས་གསུམ་སངས་རྒྱས་ཐམས་ཅད་ཀྱི།། སྐུ་གསུམ་ཐུགས་ཀྱི་སྤྲུལ་པ་ཡིན།། འགྲོ་རྣམས་སྒྲོལ་བའི་གྲུ་ཆེན་ཡིན།། མ་རིག་སེལ་བའི་སྒྲོན་མེ་མཆོག། ཐར་པའི
iiif viewer powered by OpenSeadragon
