| e-texts navigator |
| Wylie |
34a1 དབྱིངས།། སྤྱོད་པ་ཆགས་བྲལ་ཆོས་ཉིད་གྲོལ།། འབྲས་བུ་བློ་བྲལ་སྐུ་གསུམ་རྫོགས།། གཞི་ལ་བྱུང་གནས་འགྲོ་གསུམ་བྲལ།། མ་བཅོས་སེམས་ཉིད་ཆོས་ཀྱི་སྐུ།། ལམ་ནི་རྟོག་ཚོགས་ཤར་གྲོལ
34a2 ཏེ།། མཐའ་བྲལ་ཐིག་ལེ་ལོངས་སྤྱོད་རྫོགས།། འབྲས་བུ་བར་དོ་སངས་རྒྱས་ཏེ།། སངས་རྒྱས་སྤྲུལ་པ་དཔག་མེད་འགྱེད།། དབྱིངས་སྒྲོན་མ་དང་ཡེ་ཤེས་མུན་པ་རིག་པ་ལུ་གུ་རྒྱུད་གསུམ།། གཉིས་མེད་ངང་དུ་ལྷུན
34a3 རྫོགས་འགྱུར།། རང་བྱུང་ཉག་གཅིག་ཡེ་ཤེས་དོན།། རང་ཤར་ལྷུག་པ་གཟའ་གཏད་བྲལ།། དེ་ཡི་མཐའ་འཛིན་གྲོལ་གྱུར་ན།། འཁོར་འདས་ཆོས་རྣམས་ཐམས་ཅད་ཀྱང་། རང་འབྱུང་རིག་པའི་རྩལ་དུ་ཤར།། རྟ་ཏྱ།།
34a4 རྒྱུད་འདི་བཅངས་ནས་བདུད་བཞི་ཐུལ།། སངས་རྒྱས་ཀུན་གྱི་སྲས་གཅིག་ཡིན།། ཏིལ་ལ་སྟོང་གསལ་ལས་ཀུན་བྱེད།། ཀུན་ཏུ་བཟང་པོའི་ས་བོན།། ཐམས་ཅད་འདི་ལས་འབྱུང་ཞིང་གྲོལ།། རྒྱུད་འདི་རིན་ཆེན་ལྔ
34a5 ཡིས་བྲིས།། མཐོང་ཐོས་བཅངས་པས་སངས་རྒྱས་ཏེ།། སྐུ་གསུམ་རྟགས་ཀྱི་འགྲོ་བ་འདུལ།། རྒྱུད་འདི་མཁའ་འགྲོ་རྣམས་ལ་གཏད།། དམ་ཚིག་བྱ་ར་རྒྱུན་དུ་གྱིས། ས་མ་ཡཱ། འབྲས་བུ་ཡེ་གྲོལ་གྱི་རྒྱུད་རྫོགས
34a6 སོ།། །།
iiif viewer powered by OpenSeadragon
