| e-texts navigator |
| Wylie |
25a1 ལ།། གཏེར་འདི་དབང་བའི་ལས་ཅན་ནི།། མུ་རྒྱན་གཉིས་མེད་ཐུགས་ཀྱི་སྲས།། སྐྱེ་བ་ལྔ་ཡི་ཟ་མ་ལ།། མོན་བོད་གཉིས་ཀྱི་སོ་འཚམས་སུ།། མེ་ཉག་བན་ཆུང་ཤེས་རབ་ཅན།། སྦས་པའི་ངང་ནས
25a2 སྐལ་ལྡན་སྐྱོང་།། འཁོར་ནི་ཁྲ་མོ་རིགས་འདུས་འདུ།། སྤྱོད་ལམ་མ་ངེས་ཀུན་གྱི་ཚུལ།། སྐྱེ་མཐའ་བྱང་ཆུབ་སེམས་དཔའ་དེ།། དེ་ལ་འབྲེལ་ཚད་ཨུ་རྒྱན་འཇལ།། གང་ཞིག་དེ་ཡི་མིང་དང་རུས།། བླ་རྟགས་གསང
25a3 བའི་མཚན་ཐོས་ཀྱང་།། བྱང་ཆུབ་མངོན་དུ་བྱས་པ་ཡིན།། གང་ཞིག་བསྟོད་སྨད་ལོག་ལྟ་སྤངས།། ནམ་ཞིག་འཁོར་བའི་མཐའ་ལས་གྲོལ།། སྐལ་ལྡན་སློབ་བུ་བཅུ་དགུ་འབྱུང་།། དེ་ལ་ཆོས་འདི་རྫོགས་པར
25a4 བྱིན།། འགྲོ་བ་མང་པོ་སྨིན་པར་འགྱུར།། ཀུན་གྱི་ཙིཏྟའི་དཀྱིལ་དུ་བཅང་།། འཁོར་བ་རྒྱུན་གཅོད་སྐུ་གསུམ་ཐོབ།། བདུད་ཀྱི་བྱིན་རླབས་སྐུར་འདེབས་མཁན།། ཨུ་རྒྱན་ང་ལ་རྒྱབ་ཀྱིས་ཕྱོགས།། དམྱལ་བ་སྒྲུབ་ལ
25a5 སྦྱིན་མི་བྱ།། བྱིན་ཡང་སྐལ་ལྡན་སྲེག་པར་འགྱུར།། སེང་གེ་དཀར་མོའི་འོ་མ་དེ།། རིན་ཆེན་གསེར་སྣོད་མ་གཏོགས་པ།། རྫ་ཤིང་སྣོད་དུ་བླག་ན་འགས།། དེ་ཕྱིར་ལོག་ལྟ་ཅན་ལ་གསང་།། བྱིན་ན་གསང་བའི་དམ
25a6 ཚིག་ཉམས།། རྡོ་རྗེ་དམྱལ་བར་སྐྱེ་བར་འགྱུར།། དེ་བས་མ་སྤེལ་ཙིཏྟར་སྟིམ། ཤིན་ཏུ་ཟབ་པའི་རྒྱུད་མཆོག་འདི།། རད་ན་གླིང་ཞེས་གྲགས་པ་ཡི།། སྐལ་ལྡན་དེ་དང་འཕྲད་པར་ཤོག། ས་མ་ཡ། རྒྱ་རྒྱ་རྒྱ། ས་མ་ཡ།།
iiif viewer powered by OpenSeadragon
