| e-texts navigator |
| Wylie |
24a1 རྒྱུད་ལས།། ཐུན་མོང་ལས་ཚོགས་ཀྱི་ལེའུ་སྟེ་དྲུག་པའོ།། །། དེ་ནས་ཐུགས་རྗེ་ཡེ་ཤེས་རྩལ་གྱིས་ཡང་གསོལ་པ། ཨེ་མ། བཅོམ་ལྡན་བདེ་བ་ཆེན་པོ་ལགས།། རང་སེམས་བླ་མ་སྐུ་གསུམ
24a2 དུ།། ལྷུན་གྲུབ་གསང་བའི་རྒྱུད་མཆོག་འདི།། དམ་ཚིག་གཏད་རྒྱ་གང་ལྟར་བྱེད།། དེ་དོན་འདུས་པའི་འཁོར་ལ་གསུངས།། ཞེས་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ།། དུས་བཞི་སངས་རྒྱས་མ་ལུས
24a3 རྣམས།། སྐུ་གསུམ་བླ་མ་ཉིད་ལ་འདུས།། སེམས་ཉིད་དོན་གྱི་རྒྱུད་མཆོག་འདི།། སངས་རྒྱས་ཀུན་གྱི་སྙིང་པོ་གཙོ།། གསང་སྔགས་རྒྱལ་པོ་ཀུན་གྱི་རྗེ།། འདི་རྟོགས་འགྲོ་ཀུན་རྫོགས་སངས་རྒྱས།། གསང་སྔགས
24a4 རྒྱུད་ཆེན་གཞན་དག་ནི།། བྱས་བཅོས་ལམ་གྱི་རྒྱུད་ཡིན་ཏེ།། འདི་ཉིད་འབྲས་བུ་ད་ལྟར་འབྱིན།། ཡང་གསང་སྙིང་པོའི་རྒྱུད་ཡིན་པས།། སྐལ་ལྡན་མཐོང་ཐོས་རེག་པས་གྲོལ།། སྐལ་མེད་ལོག་ལྷའི་རང་བཞིན
24a5 བསྒྲིབས།། ལོག་པའི་གདུལ་བྱ་ཐབས་ཀྱིས་འདུལ།། ཐུགས་རྗེ་ཆེན་པོ་ཁྱོད་ལ་གཏད།། སྙིགས་མའི་འགྲོ་བ་འདྲེན་པ་ཡི།། བསྐལ་བཟང་སངས་རྒྱས་སྟོང་གི་སྲས།། མཐའ་ཡས་སྤྲུལ་པའི་སྐུར་བྱོན་ནས།། མཚོ
24a6 སྐྱེས་པདྨ་འབྱུང་གནས་ཀྱིས།། རྒྱུད་མཆོག་འགྲོ་བའི་དོན་བྱེད་འགྱུར།། བསྟན་པ་མི་མཇེད་ཁམས་སུ་འབྱུང་།། འཁོར་བ་དོང་ནས་སྦུགས་བྱེད་དེ།། དེ་བསྒྲུབས་སངས་རྒྱས་ཀུན་འགྲུབ་བོ།། སྤྲུལ་པ་རྣམས་ཀྱི
iiif viewer powered by OpenSeadragon
