| e-texts navigator |
| Wylie |
23b1 གདམས་ངག་བསྟན་པའི་ལེའུ་སྟེ་ལྔ་པའོ།། །། དེ་ནས་ཐུགས་རྗེ་ཡེ་ཤེས་རྩལ་གྱིས་ཡང་གསོལ་པ། ཨེ་མ། བཅོམ་ལྡན་བདེ་བ་ཆེན་པོ་ལགས།། རང་སེམས་བླ་མར་བསྒྲུབ་པ་ཡིས།། ཆ་རྐྱེན་ཐུན་མོང་ཡན
23b2 ལག་ཏུ།། ལས་ཚོགས་མན་ངག་ཇི་ལྟར་ལགས།། དེ་དོན་འདུས་པའི་འཁོར་ལ་གསུངས།། ཞེས་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ།། རང་སེམས་བླ་མ་སྐུ་གསུམ་གྱིས།། ཐུན་མོང་འཕྲིན་ལས་བཞི
23b3 ཡིན་ཏེ།། ཕྱི་རོལ་གདོན་དང་ནང་གི་གདོན།། གསང་བ་ཉོན་མོངས་རྣམ་རྟོག་ཀུན།། མ་བཅོས་འཛིན་མེད་རང་སར་གཞི་ལ།། གཏད་མེད་ངང་དུ་ཞི་གནས་འགྲོ།། ཆོས་སྐུ་ཞི་བའི་འཕྲིན་ལས་ཡིན།། ཕྱི་ཡི
23b4 ལོངས་སྤྱོད་ནང་གི་ཚེ།། གསང་བ་ཡེ་ཤེས་འཁོར་རྒྱས་པ།། ཤིན་ཏུ་གསལ་བར་མདངས་སྟོན་པས།། བདེ་བ་ཆེན་པོའི་རང་བཞིན་རྒྱས།། ལོངས་སྐུ་རྒྱས་པའི་འཕྲིན་ལས་ཡིན།། ཕྱི་རུ་མི་མཐུན་རིགས་པས
23b5 གཏོར།། ནང་དུ་མདོ་དོན་རླུང་སེམས་བསྡུ།། གསལ་ལ་འགྱུར་ལྡོག་གང་དགོས་པ།། རང་གསལ་རིག་པའི་སྟོབས་ཀྱིས་བསྒྱུར།། དབང་དྲག་སྦྲུལ་སྐུའི་འཕྲིན་ལས་ཡིན།། སྐུ་གསུམ་འཕྲིན་ལས་དབྱེར་མི
23b6 ཕྱེད།། དོན་ལ་རང་བྱུང་ཡེ་ཤེས་ཡིན།། དུས་གསུམ་སངས་རྒྱས་ལས་བྱེད་མགོན།། འགྲོ་བའི་དོན་ལ་སྟོན་པ་པོ།། དེ་ཉིད་འཕྲིན་ལས་མཐར་ཐུག་གོ། ཞེས་བཀའ་སྩལ་ཏོ།། བླ་མ་སྐུ་གསུམ་བདེ་བ་ཆེན་པོའི་གསང
iiif viewer powered by OpenSeadragon
