| e-texts navigator |
| Wylie |
23a1 སུ་བྱུང་།། གཉིས་མེད་མཉམ་པ་ཉིད་ཡིན་པས།། གཏི་མུག་བྱང་ཆུབ་སེམས་ཉིད་དེ།། ཕྱི་རུ་འཁྲུལ་པའི་སྣང་བ་གྲུབ།། ནང་དུ་བདག་འཛིན་སེམས་སུ་གྲུབ།། ཀུན་རྫོབ་གཏི་མུག་དེ་ཉིད་ལ།། རྟེན་ནས
23a2 དོན་དམ་གྲོལ་ལམ་ནི།། ཕྱི་རུ་སྣང་བའི་རྗེས་མི་འབྲང་།། ནང་དུ་སེམས་ཉིད་མ་བཅོས་བཞག། གསང་བ་གཏི་མུག་རིག་སྟོང་དུ།། ཞེན་པ་མེད་པར་རྩལ་སྦྱངས་པས།། བདག་འཛིན་ཞེན་པ་ཀུན་ཟད་ནས།། ཐམས
23a3 ཅད་ཆོས་སྐུར་གྲོལ་ནས་འགྲོ།། དེ་ཉིད་ལམ་དུ་ཁྱེར་བ་ཡིན།། གནད་ཀྱི་མན་ངག་འདི་རྟོགས་ན།། སངས་རྒྱས་ཀུན་དང་དབྱེར་མི་ཕྱེད།། དེ་ལྟར་དུག་གསུམ་སྐུ་གསུམ་དུ།། རང་སེམས་བླ་མར་རྩལ་སྦྱངས
23a4 པས།། སྣང་སྲིད་སྐུ་གསུམ་ངོ་བོར་རྟོགས།། དེ་ཉིད་མན་པ་གཞན་མེད་པས།། འཁོར་བ་ཐམས་ཅད་དོང་སྤྲུགས་ཏེ།། རང་སེམས་བདེ་བ་ཆེན་པོ་རུ།། གསལ་སྟོང་འཛིན་མེད་མངོན་སངས་རྒྱས།། གཟུང་འཛིན་རྣམ
23a5 རྟོག་མེད་པ་རུ།། སྣང་སྲིད་ཐམས་ཅད་གསལ་བ་ནི།། ཐམས་ཅད་མཁྱེན་པའི་སངས་རྒྱས་ཡིན།། རང་རིག་ཆོས་སྐུ་གཞན་དོན་དུ།། ལོངས་སྐུ་སྦྲུལ་སྐུའི་གཟུགས་སུ་ཤར།། ཤར་ཡང་རྩོལ་རྟོག་མེད་པ་ཡིས།། བླ་མ
23a6 སྐུ་གསུམ་ལྷུན་གྲུབ་ཡིན།། ཆོས་ཉིད་དང་ལ་འགྱུར་ལྡོག་མེད།། དེ་ཉིད་གདམས་པའི་མཐར་ཟུག་གོ། ཞེས་བཀའ་སྩལ་ཏོ།། བླ་མ་སྐུ་གསུམ་བདེ་བ་ཆེན་པོའི་གསང་རྒྱུད་ལས།། རང་སེམས་བླ་མར་རྩལ་སྦྱོང་གི
iiif viewer powered by OpenSeadragon
