| e-texts navigator |
| Wylie |
22b1 མེད་སྤང་མེད་དུག་གསུམ་སྟེ།། ཞེན་པ་མེད་པ་སྐུ་གསུམ་དངོས།། ཞེན་པ་རྟོགས་ན་དུག་ཡིན་ཏེ།། འཁོར་འདས་ཞེན་དང་མ་ཞེན་ཕྱེ།། དེ་ཕྱིར་ཞེན་མེད་ཉམས་ལེན་བསྟེན།། ཕ་ནི་བདེ་བ་ཆེན་པོ་ཡིས། བུད་མེད
22b2 འདུལ་བའི་ཆོས་སུ་བྱུང་།། བུད་མེད་སྟོང་པ་བདེ་ལ་སྲིད།། འདོད་ཆགས་པ་ཡི་ཐིག་ལེ་ལས།། ཕྱི་རུ་དུས་དང་ཁོག་པ་གྲུབ།། ནང་དུ་ཐིག་ལེ་རྩ་མདུད་གྲུབ།། ཀུན་རྫོབ་འདོད་ཆགས་དེ་ཉིད་ལས།། རྟེན་ནས་དོན
22b3 དམ་ཆགས་ལམ་ནི།། ཕྱི་རུ་གཟུགས་མའི་རྩ་སྣ་སྤྲད།། ནང་དུ་ཐིག་ལེ་འཕེན་འཇུག་བྱ།། གསང་བ་འདོད་ཆགས་བདེ་སྟོང་དུ།། ཐམས་ཅད་ལོངས་སྤྱོད་རྫོགས་སྐུར་གྲོལ།། ཞེན་པ་མེད་པར་རྩལ་སྦྱངས
22b4 པས།། འཁྲུལ་རྟོག་སྐད་ཅིག་ཡུལ་མ་གྲུབ།། དེ་ཉིད་ལམ་དུ་འཁྱེར་བ་ཡིན།། མ་ནི་སྟོང་ཤས་ཕྱེ་བ་ཡིས།། སྐྱེས་པ་འདུལ་བའི་ཆོས་སུ་བྱུང་།། སྐྱེས་པའི་བདེ་བ་སྟོང་པར་རྟོགས།། ཞེ་སྡང་མ་ཡི་ཐིག་ལེ་ལས།། ཕྱི་རུ
22b5 ཤ་དང་པགས་པ་གྲུབ།། ནང་དུ་རྩ་དང་རླུང་དུ་གྲུབ།། ཀུན་རྫོབ་ཞེ་སྡང་དེ་ཉིད་ལས།། རྟེན་ནས་དོན་དམ་ཐབས་ལམ་ནི།། ཕྱི་རུ་ལུས་ཀྱི་འཁྲུལ་འཁོར་བྱ།། ནང་དུ་རླུང་གི་དམིགས་པ་གཟུང་།། གསང་བ་ཞེ་སྡང
22b6 གསལ་སྟོང་དུ།། ཞེན་པ་མེད་པར་རྩལ་སྦྱངས་པས།། འཁྲུལ་སྣང་རྟོག་པ་མི་འཆར་བར།། ཐམས་ཅད་སྤྲུལ་པའི་སྐུ་རུ་གྲོལ།། དེ་ཉིད་ལམ་དུ་འཁྱེར་བ་ཡིན།། སེམས་ནི་མི་རྟོག་ཤས་ཆེ་སྟེ།། ཟུང་དུ་འཇུག་པའི་ཆོས
iiif viewer powered by OpenSeadragon
