| e-texts navigator |
| Wylie |
22a1 པའི་མཐར་ཐུག་གོ། ཞེས་བཀའ་སྩལ་ཏོ།། བླ་མ་སྐུ་གསུམ་བདེ་བ་ཆེན་པོའི་གསང་རྒྱུད་ལས།། རང་སེམས་བླ་མར་བསྒྲུབ་པ་ཉམས་ལེན་གྱི་ལེའུ་སྟེ་བཞི་པའོ།། །། དེ་ནས་ཐུགས་རྗེ་ཡེ་ཤེས་རྩལ
22a2 གྱིས་ཡང་ཞུས་པ། ཨེ་མ་བཅོམ་ལྡན་བདེ་བ་ཆེན་པོ་ལགས།། རང་སེམས་སྐུ་གསུམ་བླ་མ་རུ།། ཉམས་ལེན་བསྒྲུབ་པ་ངོ་སྤྲད་ནས།། མན་ངག་རྩལ་སྦྱོང་ཇི་ལྟར་བྱེད།། དེ་དོན་འདུས་པའི་འཁོར་ལ་གསུངས།། ཞེས
22a3 གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ། ཁམས་གསུམ་སེམས་ཅན་ཐམས་ཅད་ལ།། སྐུ་གསུམ་གདོད་ནས་ལྷུན་གྱིས་གྲུབ།། བདེ་དང་གསལ་དང་མི་རྟོག་གསུམ།། མ་བཅོས་གཞི་ཡི་སྐུ་གསུམ
22a4 ཡིན།། འདོད་ཆགས་ཞེ་སྡང་གཏི་མུག་གསུམ།། རྩལ་སྦྱོང་ལམ་གྱི་སྐུ་གསུམ་ཡིན།། ཆོས་སྐུ་ལོངས་སྐུ་སྦྲུལ་སྐུ་གསུམ།། མཐར་ཐུག་འབྲས་བུའི་སྐུ་གསུམ་ཡིན།། དོན་ལ་དེ་རྣམས་དབྱེར་མེད་དེ།། གདོད་ནས་ལྷུན
22a5 གྲུབ་སངས་རྒྱས་ཀྱི།། ངོ་བོ་ཡིན་ཀྱང་མ་རྟོགས་འཁྲུལ།། དུག་གསུམ་ཞེན་པས་འཁོར་བར་འཁྱམས།། བདག་འཛིན་རང་ཁར་མ་ཞེན་ན།། དུག་གསུམ་སྐུ་གསུམ་ལྷུན་གྲུབ་ཀྱིས།། ལམ་གྱི་རྩལ་སྦྱོང་ཆེན་པོ
22a6 ཡིན།། དུག་གསུམ་སྐུ་གསུམ་མ་ཤེས་ན།། སྤངས་པས་མི་སྤོངས་རང་སེམས་ཡིན།། རང་སེམས་སྤངས་པའི་སངས་རྒྱས་མེད།། བསྒྲུབས་པས་མི་འགྲུབ་དངོས་པོ་མེད།། དངོས་པོ་མེད་པས་འཛིན་པ་གྲོལ།། འཛིན
iiif viewer powered by OpenSeadragon
