| e-texts navigator |
| Wylie |
21b1 སྐུ་ཆུ་ཟླ་བཞིན་དུ་གསལ།། རྩོལ་བ་མེད་པར་ལྷུན་གྱིས་གྲུབ།། དེ་ལ་བསྒྲུབ་རྒྱུ་ཅི་ཡང་མེད།། གང་ཤར་དོན་དེ་སྐྱོང་བ་ཡིན།། རང་སེམས་སྣང་བར་ཤར་བའི་ཚེ།། སྦྲུལ་སྐུ་ཡིན་པས་གསལ་བ་ལྟར།། དངོས་པོར
21b2 འཛིན་པའི་རྟག་ལྟ་མེད།། རང་སྣང་ལུས་ཀྱི་འཛིན་པ་ཟད།། ལྟ་བྱེད་རྟོགས་པ་རང་གྲོལ་ཡིན།། རང་སེམས་དངོས་མེད་གསལ་བའི་ཚེ།། ལོངས་སྐུ་ཡིན་པས་དེ་ཉིད་སྤྱོད།། རང་རིག་རླུང་གི་འཛིན་པ་ཟད།། གཉིས
21b3 འཛིན་འཛིན་པའི་རྟག་ལྟ་མེད།། གཅོད་བྱེད་རྟོག་པ་རང་སར་གྲོལ།། རང་སེམས་མི་གཡོ་གནས་པའི་ཚེ།། ཆོས་སྐུ་ཡིན་པས་དེ་ཀར་བཞག། སྟོང་པར་འཛིན་པའི་ཆད་ལྟ་མེད།། རང་སེམས་འདི་ཡིན་འཛིན་པ
21b4 ཟད།། བསྒོམ་བྱ་བསྒོམ་བྱེད་རང་སར་གྲོལ།། རང་སེམས་སྐུ་གསུམ་བླ་མ་ལས།། ཇི་ལྟར་བྱས་ཀྱང་མི་འདའ་བས།། རིག་པ་གཅེར་བུ་ལྡིང་བར་གྲོལ།། ཐམས་ཅད་དབྱེར་མེད་མཉམ་པ་ཉིད།། བདེ་གཤེགས་མ
21b5 ལུས་འདུས་པའི་སྐུ།། བདེ་ཆེན་ཐམས་ཅད་མཁྱེན་པ་ཡིན།། དེ་ཉིད་དོན་དེ་བསྐྱང་བ་ལས།། གཞན་གྱི་བྱ་རྒྱུ་ཅི་ཡང་མེད།། སྣང་རིག་སེམས་གསུམ་དབྱེར་མེད་དུ།། རྟོགས་མེད་སངས་རྒྱས་ཐམས་ཅད
21b6 འགྲུབ།། མཐའ་ཡས་བདག་དང་དབྱེ་བ་མེད།། ཡོན་ཏན་མ་ལུས་ཐོབ་པ་ཡིན།། སྐུ་གསུམ་རྣམ་མཁྱེན་ལྷུན་གྱིས་གྲུབ།། འགྲོ་དོན་འཕྲིན་ལས་མ་ལུས་རྫོགས།། འཁོར་བ་དོང་ནས་སྤྲུགས་པ་ཡིན།། དེ་ཉིད་བསྒྲུབ
iiif viewer powered by OpenSeadragon
