| e-texts navigator |
| Wylie |
19a1 ཅན་སངས་རྒྱས་རྒྱུད་ཉིད་ལ།། བྱིན་རླབས་དབང་གིས་གཞི་སྨིན་པ།། ལམ་གྱིས་ཉམས་སུ་བླངས་པ་ཡིས།། འབྲས་བུ་སྐུ་གསུམ་ཇི་ལྟར་འགྲུབ།། དེ་དོན་འཁོར་ལ་གསུང་དུ་གསོལ།། ཅེས་གསོལ
19a2 ཏོ།། བཅོམ་ལྡན་འདས་ཀྱིས་བཀའ་སྩལ་པ།། རང་སེམས་སངས་རྒྱས་སྐུ་གསུམ་དུ།། མ་རྟོགས་གཟུང་འཛིན་འཁོར་བར་འཁྱམས།། རྟོགས་པའི་ཉམས་ལེན་མངོན་སངས་རྒྱས།། སངས་རྒྱས་གཞན་ནས་མ་མཆིས
19a3 ཏེ།། རང་སེམས་སངས་རྒྱས་སྐུ་གསུམ་ཡིན།། ཡིན་ལ་ཆགས་འཛིན་མེད་པ་ཡིས།། དེ་ཡི་ཉམས་ལེན་རྩོལ་བ་བྲལ།། མ་བཅོས་བཞག་པས་སྐུ་གསུམ་གྲུབ།། དེ་ཕྱིར་ད་ལྟ་སྒྲུབ་པ་བསྟན།། ལུས་ངག་ཡིད་གསུམ་སྐུ
19a4 གསུམ་དུ།། རང་བཞིན་ཉིད་དུ་འོད་གསལ་བར།། ལྷུན་གྱིས་གྲུབ་ནས་རྟོགས་པ་ལ།། ཀུན་རྫོབ་བློས་བྱས་སྒྲུབ་མི་དགོས།། རང་སྣང་སྦྲུལ་སྐུར་གསལ་བ་ལ།། བསྐྱེད་རིམ་མི་དགོས་དྲན་པས་གསལ།། རང་སེམས
19a5 སྟོང་པ་ཆོས་སྐུ་ཡིན།། སྟོང་གསལ་འགག་མེད་ལོངས་སྐུ་ཡིན།། ཅིར་ཡང་འཆར་བ་སྤྲུལ་པའི་སྐུ།། དེ་གསུམ་དབྱེར་མེད་བླ་མ་ཡིན།། བྱས་པ་མེད་པར་ཀུན་ལ་རྟོགས།། རྟོགས་ཀྱང་རྩལ་ནི་མ་རྫོགས་པས།། བུ་ཆུང
19a6 མི་རུ་རྟོགས་གྱུར་ཀྱང་།། གསོ་རན་མ་བྱས་རྩལ་མ་རྫོགས།། དེ་བཞིན་སྐུ་གསུམ་ཡིན་གྱུར་ཡང་།། དེ་ཉིད་བརྟན་པ་མ་ཐོབ་པས།། ལུས་ངག་ཡིད་གསུམ་ཐ་མལ་ལུས།། དེ་ཕྱིར་སྐུ་གསུམ་བླ་མ་དེ།། མ་བཅོས
iiif viewer powered by OpenSeadragon
