| e-texts navigator |
| Wylie |
18b1 གུས་པས་གསོལ་བ་འདེབས།། ཐ་དད་གཟུང་འཛིན་རང་གྲོལ་ནས།། རང་བྱུང་སྐུ་གསུམ་ལྷུན་གྲུབ་ཏུ།། བདེ་ཆེན་བྱིན་རླབས་དབང་བསྐུར་ཞུ།། ཞེས་པས་གསོལ་བ་ལན་གསུམ་གདབ།། དངོས་གཞི་བླ་མས་སློབ
18b2 མ་ལ།། སྣང་སྲིད་སྐུ་གསུམ་དབྱེར་མེད་ཅིང་།། ལྷུན་གྲུབ་བདེ་ཆེན་དབང་འདི་བསྐུར།། བདེ་ཆེན་པོ་བྲང་རྣམ་དག་དབྱིངས།། ལྷུན་གྲུབ་འོད་གསལ་ཀུན་བཟང་ཀློང་།། བདེ་ཆེན་སྐུ་ནི་འདུས་མ་བྱས།། མ་བཅོས
18b3 རང་བཞིན་ལྷུན་གྱིས་གྲུབ།། གསལ་ལ་འཛིན་མེད་བདེ་བ་ཆེ།། ཀུན་མཁྱེན་ཀུན་ཤེས་ཀུན་རྟོག་བྲལ།། སྒྲིབ་མེད་ཐམས་ཅད་མཁྱེན་པ་འདིས།། རྫོགས་སངས་རྒྱས་པར་དབང་བསྐུར་རོ།། དེ་བཞིན་ཉིད་དུ་བྱིན
18b4 གྱིས་རློབས། ཁྱོད་ཀྱི་ངོ་བོ་དེ་བཞིན་ཉིད།། སྐུ་གསུམ་ལྷུན་གྲུབ་རང་དབང་ཐོབ།། རྗེས་སྣང་སྐུ་གསུམ་དབྱེར་མེད་དུ།། བདེ་བ་ཆེན་པོར་རྩལ་སྦྱང་ངོ་།། འབྲས་བུ་མྱུར་དུ་སྨིན་པར་འགྱུར།། འདི་ཐོབ་སངས
18b5 རྒྱས་ཐམས་ཅད་ཀྱིས།། དབང་བསྐུར་མ་ལུས་ཐོབ་པ་ཡིན།། བདེ་གཤེགས་བཀའ་ལུང་ཐམས་ཅད་རྫོགས།། སྐུ་གསུམ་བླ་མར་རང་ངོ་འཕྲོད།། དེ་ཉིད་དབང་གི་མཐར་ཟུག་གོ། ཞེས་བཀའ་སྩལ་ཏོ།། སྐུ་གསུམ
18b6 བདེ་བ་ཆེན་པོའི་གསང་རྒྱུད་ལས།། རང་སེམས་བླ་མར་བྱིན་རླབས་དབང་གི་ལེའུ་སྟེ་གསུམ་པའོ།། །། དེ་ནས་ཐུགས་རྗེ་ཡེ་ཤེས་རྩལ་གྱིས་ཡང་གསོལ་བ། ཨེ་མ། བཅོམ་ལྡན་བདེ་བ་ཆེན་པོ་ལགས།། སེམས
iiif viewer powered by OpenSeadragon
