| e-texts navigator |
| Wylie |
17a1 མུག་འཁོར་བར་འཁྱམས་པ་ཡིས།། སྡུག་བསྔལ་སེམས་ཅན་སྙིང་རེ་རྗེ།། དེ་རྣམས་ཆོས་སྐུ་ཐོབ་པར་བྱ།། སྙམ་དུ་མོས་པའི་སེམས་བསྐྱེད་ཀྱིས།། ཕྱག་འཚལ་མེ་ཏོག་གཏོར་བྱས་ལ།། རྣམ་དག་ཆོས
17a2 དབྱིངས་ཕོ་བྲང་དུ།། སྐྱེ་མེད་ཆོས་སྐུའི་བླ་མ་ལ།། བདག་ཉིད་གུས་པས་གསོལ་བ་འདེབས།། མ་རིག་གཏི་མུག་རང་གྲོལ་ནས།། རང་བྱུང་ཡེ་ཤེས་ལྷུན་གྲུབ་ཏུ།། ཆོས་སྐུའི་བྱིན་བརླབས་དབང་བསྐུར་ཞུ། ཞེས་པས
17a3 གསོལ་བ་ལན་གསུམ་གདབ།། དངོས་གཞི་བླ་མས་སློབ་མ་ལ།། མ་ཡེངས་སེམས་ཉིད་རྩེ་གཅིག་ལ།། རང་བྱུང་ཆོས་སྐུའི་དབང་འདི་བསྐུར།། ཆོས་སྐུའི་ཕོ་བྲང་ཆོས་ཀྱི་དབྱིངས།། ཅིར་ཡང་མ་གྲུབ་ཡངས་པའི
17a4 ཀློང་།། ཆོས་ཀྱི་སྐུ་ནི་སྤྲོས་དང་བྲལ།། གཅིག་ཏུ་མ་གྲུབ་གཉིས་སུ་མེད།། ཀུན་ལ་ཁྱབ་པའི་ཐུགས་རྗེ་ཅན།། ངོ་བོ་ཉིད་དུ་ལྷུན་གྲུབ་འདིས།། སེམས་ཉིད་ཆོས་སྐུར་དབང་བསྐུར་རོ།། དེ་བཞིན་ཉིད་དུ་བྱིན་གྱིས
17a5 རློབས། ཁྱོད་ཀྱི་སེམས་ཉིད་དེ་ལྟར་ཡིན།། རང་སེམས་ཆོས་སྐུའི་དབང་ཐོབ་འགྱུར།། ཞེས་པས་ཆོས་སྐུའི་དབང་བསྐུར་ལ།། རྗེས་སྣང་རང་སེམས་ཆོས་སྐུར་སྒྲུབ།། ཆོས་སྐུའི་རང་རྩལ་ལོངས་སྐུའི་དབང་།། རང
17a6 རིག་ཉིད་ལ་སྨིན་བྱའི་ཕྱིར།། སྦྱོར་བ་སློབ་བུས་བླ་མ་ལ།། ལོངས་སྤྱོད་རྫོགས་སྐུའི་མོས་བྱས་ལ།། རང་རིག་ལོངས་སྐུར་མ་རྟོགས་པས།། འདོད་ཆགས་སྲིད་པས་འཁོར་བར་འཁྱམས།། འདོད་ལོག་སེམས་ཅན
iiif viewer powered by OpenSeadragon
