| e-texts navigator |
| Wylie |
16b1 ལུས་ཐམས་ཅད་ལ།། ཀུན་གཞི་བྱང་ཆུབ་སེམས་ལས་བྱུང་།། བྱང་ཆུབ་སེམས་ལ་སྐུ་གསུམ་གྱི།། ངོ་བོ་ཡེ་ནས་ལྷུན་གྲུབ་ཏུ།། སེམས་ཉིད་མི་རྟོག་ཆོས་སྐུར་གནས།། སེམས་ཉིད་བདེ་བ་ལོངས་སྐུར་གནས།། སེམས
16b2 ཉིད་གསལ་བ་སྦྲུལ་སྐུར་གནས།། སྐུ་གསུམ་བླ་མའི་དགོངས་པ་དེ།། སེམས་ཀྱིས་ཁྱབ་ཚད་ཀུན་ལ་ཁྱབ།། ཡེ་ནས་འབྲལ་མེད་གནས་གྱུར་ཀྱང་།། དེ་ཉིད་མ་ཤེས་གློ་བུར་གྱིས།། མཁའ་ལ་སྤྲིན་གྱིས་བསྒྲིབས་པ
16b3 ལྟར།། བདག་འཛིན་ཞན་པས་མ་རིག་འཁྲུལ།། དུག་གསུམ་སྤྱད་པས་ཁམས་གསུམ་འཁོར།། དེ་ཉིད་གཟུང་འཛིན་གསལ་བ་ན།། རང་སེམས་སྐུ་གསུམ་བླ་མ་རུ།། ན་བུན་སངས་པའི་ནམ་མཁའ་རུ།། སྔོན་དུ་ལྷག
16b4 གིས་སྨིན་ནས་འོང་།། དེ་ཕྱིར་བདག་འཛིན་གྲོལ་ནས་སུ།། སྣང་རིག་སེམས་གསུམ་བདག་མེད་དུ།། སྐུ་གསུམ་ལྷུན་གྲུབ་བདེ་བ་ཆེ།། རང་རིག་རང་དབང་བསྐུར་བ་ཡིས།། རང་དབང་སེམས་ལ་ཐོབ་པ་ན།། འདུས
16b5 བྱས་རྫས་དང་དཀྱིལ་འཁོར་གྱིས།། ཀུན་རྫོབ་མཆོག་དབང་བསྐུར་མི་དགོས།། བསྐུར་ཡང་རིག་པའི་དབང་མི་ཐོབ།། འོན་ཀྱང་མོས་པའི་རྟེན་འབྲེལ་གྱིས།། ཐུན་མོང་བྱིན་རླབས་འབྱུང་བ་སྲིད།། ཡང་དག་སྐུ
16b6 གསུམ་མི་རྟོགས་པས།། ཐོག་མར་རིག་པ་རྩལ་དབང་བསྟན།། སྦྱོར་དངོས་རྗེས་གསུམ་བྱིན་གྱིས་རློབས།། སྦྱོར་བ་སློབ་མས་བླ་མ་ལ།། ཆོས་ཀྱི་སྐུ་རུ་མོས་བྱས་ལ།། རང་སེམས་ཆོས་སྐུར་མ་རྟོགས་པས།། གཏི
iiif viewer powered by OpenSeadragon
