| e-texts navigator |
| Wylie |
16a1 ཅན།། སྐུ་གསུམ་བླ་མའི་ངོ་བོས་ཁྱབ།། ཡིན་ཀྱང་བདག་འཛིན་སྒྲིབ་པ་ཡིས།། བླ་མ་དུས་བཞིའི་སངས་རྒྱས་དང་།། འབྲལ་མེད་གནས་ཀྱང་མ་རྟོགས་པས།། བདག་མེད་རང་གྲོལ་སྒྲ་ཐོབ
16a2 ཕྱིར།། ཐོག་མའི་སངས་རྒྱས་བླ་མ་ལ།། རང་སེམས་སྐུ་གསུམ་སྨིན་པ་ཡིས།། གཞི་ལ་བྱིན་རླབས་རྗེས་སྣང་ཞུ།། ད་ལྷའི་བླ་མ་སངས་རྒྱས་ཀྱིས།། རང་སེམས་སྐུ་གསུམ་ངོ་བོ་རུ།། ལམ་གྱི་སྒྲུབ་ཐབས་ཉམས་སུ
16a3 བླང་།། མ་འོངས་བླ་མ་སངས་རྒྱས་སུ།། སྐུ་གསུམ་གྲུབ་པའི་འབྲས་བུ་དེ།། རྗེས་ཀྱི་ཡན་ལག་རྩལ་སྦྱངས་ཏེ།། གཞི་དང་ལམ་དང་འབྲས་བུ་གསུམ།། དུས་གསུམ་སྐུ་གསུམ་དབྱེར་མེད་དུ།། སངས་རྒྱས་ཐོག་མ་ཐ
16a4 མ་མེད།། ཡེ་ཤེས་མིག་གཅིག་དྲི་མེད་གསལ།། བདེ་བ་ཆེན་པོར་དངོས་སངས་རྒྱས།། སྐུ་གསུམ་འགྲོ་དོན་ལྷུན་གྱིས་གྲུབ།། ཅེས་བཀའ་སྩལ་ཏོ།། བླ་མ་སྐུ་གསུམ་བདེ་བ་ཆེན་པོའི་གསང་རྒྱུད་ལས།། རང་སེམས་བླ
16a5 མར་བསྒྲུབ་པའི་མདོ་བྱང་གི་ལེའུ་སྟེ་གཉིས་པའོ།། །། དེ་ནས་ཐུགས་རྗེ་ཡེ་ཤེས་རྩལ་གྱིས་ཡང་གསོལ་བ། ཨེ་མ། བཅོམ་ལྡན་བདེ་བ་ཆེན་པོ་ལགས། མ་རྟོགས་འཁྲུལ་པའི་སེམས་ཅན་ལ།། གཞི་ལ་སྐུ
16a6 གསུམ་ཇི་ལྟར་གནས།། ཐོག་མར་བླ་མའི་བྱིན་རླབས་ཀྱིས།། གཞི་ལས་ལམ་དུ་ཇི་ལྟར་སྨིན།། དེ་དོན་འདུས་པའི་འཁོར་ལ་གསུངས།། ཞེས་གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ།། སེམས་ཅན་མ
iiif viewer powered by OpenSeadragon
