| e-texts navigator |
| Wylie |
14b1 སྙན་པའི་ངག། དང་བའི་ཡིད་ཀྱིས། བཅོམ་ལྡན་འདས་ལ། འཁོར་རྣམས་ཀྱིས་མགྲིན་གཅིག་ཏུ་འདི་སྐད་ཅེས་གསོལ་ཏོ།། ཨེ་མ་ཧོ། བཅོམ་ལྡན་དཔལ་ཆེན་བདེ་བ་ཆེ།། བྱང་སེམས་བླ་མའི་ཏིང་འཛིན་དེ།། མ
14b2 རྟོགས་སྐྱོན་ནི་ཇི་ལྟར་འགྱུར།། རྟོགས་པའི་ཡོན་ཏན་གང་ལྟར་འབྱུང་།། སེམས་ཉིད་བླ་མ་ཇི་ལྟར་བྱོན།། དེ་དོན་འདུས་པའི་འཁོར་ལ་གསུངས།། ཞེས་གསོལ་ཏོ།། དེ་ནས་བཅོམ་ལྡན་འདས་ཀྱི་སྐུ་ཆོས་ཀྱི་དབྱིངས
14b3 ལས་མ་གཡོས་པའི། གསུང་ཅི་ཡང་མི་འབྱོན་པའི་ཚུལ་གྱིས། ཐུགས་རྟོག་པ་མེད་པའི་ངང་ནས་དགྱེས་བཞིན་དུ། བཀའ་སྩལ་པ། ཉོན་ཅིག་རང་བྱུང་རང་སེམས་འཁོར།། བྱང་སེམས་བླ་མའི་ཏིང་འཛིན་དེ།། མ
14b4 རྟོགས་སྐྱོན་ནི་སེམས་ཅན་འགྱུར།། རྟོགས་པའི་ཡོན་ཏན་སངས་རྒྱས་འབྱུང་།། སངས་རྒྱས་ཀུན་བདག་བླ་མ་ཡིན།། བླ་མ་རང་བྱུང་ཡེ་ཤེས་སོ།། ཞེས་གསུངས་སོ།། དེ་ནས་ཐུགས་རྗེ་ཡེ་ཤེས་རྩལ་གྱིས་ཡང་གསོལ
14b5 བ། ཨེ་མ་བཅོམ་ལྡན་བདེ་བ་ཆེན་པོ་ལ་སོགས། བྱང་ཆུབ་སེམས་ཀྱི་ཆོས་ཉིད་དེ།། རྟོགས་དང་མ་རྟོགས་མཚན་ཉིད་གང་།། དེ་དོན་སྟོན་པའི་བླ་མ་དེ།། རང་བྱུང་ཉིད་དུ་ཇི་ལྟར་འབྱོན།། དེ་དོན་རྒྱས་པར་བཤད་དུ
14b6 གསོལ།། བཅོམ་ལྡན་འདས་ཀྱིས་བཀའ་སྩལ་པ།། བྱང་ཆུབ་སེམས་ཀྱི་ཆོས་ཉིད་དེ།། ཆོས་ཉིད་དབྱིངས་ཀྱི་ནམ་མཁའ་ལ།། དེ་ཉིད་རང་རྩལ་མ་འགགས་པས།། སྤྲིན་བཞིན་བདེ་གསལ་མི་རྟོག་གསུམ།། རང
iiif viewer powered by OpenSeadragon
