| e-texts navigator |
| Wylie |
14a1 དེ། ཁྲོལ་ལེ། ཤིག་གེ་རྟོག་མེད་དུ་རྗེན་ནེ། ཕཊ་ཨ། ཧྲིང་དྲིང་དྲིང་། ཨེ་མ་ངོ་མཚར་རྨད་ཀྱི་ཆོས། ཡང་ཏིག་སྲོག་གི་བཅུད་ཐིག་རྣམས།། གཅིག་ཏུ་དྲིལ་ཏེ་ཡི་གེར་བཏབ།། མ་འོངས་དོན་དུ་གཏེར་དུ
14a2 སྟམ།། ཕྱི་མ་དད་པ་ཤེས་རབ་ཅན།། འཇམ་དཔལ་ཅི་ནས་ཕྱག་རྡོར་གྱིས།། སྤྲུལ་པ་འབྱུང་གིས་འཕྲད་པར་ཤོག། རྡོ་རྗེ་ལེགས་པས་བཀའ་འདི་སྲུངས། སྱ་མྱ་ཡ། ཨ་ཏི་བླ་ན་མེད་པ་བསྟན་པའི་སྙིང་། མཁའ
14a3 འགྲོའི་སྲོག་སྐལ་ལྡན་གྱི་ནོར། དོན་གྱི་མཆོག་ཀློང་ཆེན་སྲོག་ཐིག་བྱ་བ་རྫོགས་སོ།། རྒྱ་རྒྱ་རྒྱ། ཁ་ཐམ། ཊ་བཻ་རོ་ཙ་ནས་སྤྲེ་ལོ་སྤྲེའི་ཟླའི་ཚེས་བཅུའི་སྔ་དྲོ་འཆིང་ཕུའི་ཡང་དབེན་དུ། ཆུ་ཤོག་རིན་ཆེན་ཟེར་འཕྲོ་ལ
14a4 བྲིས།། །། @#།། ཨུ་རྒྱན་གྱི་སྐད་དུ། ཐརྒ་ཉ་ཁྭ་སྲམ་ན་བཊ་བ་ནང་མངཿབོད་སྐད་དུ། བླ་མ་སྐུ་གསུམ་བདེ་བ་ཆེན་པོའི་གསང་རྒྱུད་ཅེས་བྱ་བ། བཅོམ་ལྡན་འདས་བདེ་ཆེན་དྲི་མེད་འོད་མི་འགྱུར་བ
14a5 ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་བདེ་བ་ཆེན་པོ་ལྷུན་གྱིས་གྲུབ་པའི་སྟོན་པ། གནས་ཆོས་ཉིད་མཉམ་ཉིད་ཀྱི་ཕོ་བྲང་ན། རང་ལུས་སྤྲུལ་པའི་འཁོར་ཚོགས
14a6 རྣམས་དང་ལྷན་ཅིག་ཏུ། བྱང་ཆུབ་སེམས་ཀྱི་ཆོས་ཉིད་ལ་དུས་གསུམ་བླ་མའི་ཏིང་ངེ་འཛིན་ལ་མཉམ་པར་བཞུགས་སོ།། དེའི་ཚེ་འཁོར་གྱི་ནང་ནས། རང་བྱུང་ཐུགས་རྗེ་ཡེ་ཤེས་རྩལ་ལངས་ནས། གུས་པའི་ལུས།།
iiif viewer powered by OpenSeadragon
