| e-texts navigator |
| Wylie |
95a1 སུ་ཞུགས་པ།། དང་པོའི་ལས་ཅན་སྐྱེ་བོ་རྣམས།། དཀོན་མཆོག་གསུམ་གྱི་རང་བཞིན་ལ།། གུས་པས་བརྟེན་ཅིང་ཚོགས་གཉིས་བསགས།། དཀའ་ཐུབ་ཆོས་ལ་རྟེན་ཅིང་སྤྱད།། འཁོར་བའི་རང་བཞིན
95a2 སྡུག་བསྔལ་གྱིས།། ལུས་ནི་མི་གཙང་ཕུང་པོ་ལ།། མི་རྟག་དྲན་པ་ཉེ་བར་བཞག། ཚོར་བ་ཕྱི་ནང་བདེ་སྡུག་རྣམས།། མི་རྟག་བཏང་སྙོམས་སྟོང་པར་བསྒོམ།། གཟུང་བའི་ཡུལ་དང་འཛིན་པའི་སེམས།། གཉིས་ཀ།
95a3 གཅིག་རྐྱེན་གཅིག་ལ་སྐྱེས།། སེམས་དེ་རང་བཞིན་མེད་པར་བསྒོམ།། ཆོས་རྣམས་སྔར་ཡང་མ་སྐྱེས་ཤིང་།། ཕྱིས་ཀྱང་སྐྱེ་བར་མི་འགྱུར་བའོ།། སྐྱེ་མེད་སྟོང་པར་ཤེས་པར་བྱ།། ཡང་དག་སྤོང་བ་བཞི་པོ་ནི།། སྡིག་པ
95a4 སྔར་སྐྱེས་ལས་སྤོང་ཞིང་།། ཕྱིས་ནི་སྡིག་པ་བསྐྱེད་མི་བྱ།། དགེ་བ་སྔར་སྐྱེས་སྤེལ་བྱ་ཞིང་།། མ་སྐྱེས་དགེ་བ་བསྐྱེད་པར་བྱ།། མོས་འདུན་བརྩོལ་བའི་བརྩོན་འགྲུས་ཀྱིས།། མི་དགེ་ཆོས་ཀྱིས་དབེན་པས་ན།། མཉམ
95a5 གཞག་འདོད་ཆགས་བྲལ་བས་ན།། དགའ་བདེ་ཏིང་འཛིན་ལ་གནས་པ།། འདུན་པའི་རྫུ་འཕྲུལ་རྐང་པས་ཏེ།། དེ་ལ་རབ་ཏུ་སྤྲོས་བྱེད་པ།། དང་བའི་རྫུ་འཕྲུལ་རྐང་པ་ཡིན།། དེ་ལ་རྟོག་ཅིང་སྤྱོད་བྱེད་པ།། སྤྱོད་པའི
95a6 རྫུ་འཕྲུལ་རྐང་པ་ལ།། དེའི་དོན་རྣམས་ཡིད་ལ་སེམས།། སེམས་ཀྱི་རྫུ་འཕྲུལ་རྐང་པས་ཏེ།། འགྲོ་འོང་མེད་པའི་རྒྱུན་དེ་ལ།། སེམས་ནི་རྩེ་གཅིག་གནས་པ་ཡིས།། བསམ་གཏན་བཞིའི་འདུ་ཤེས་ལ།། རབ་ཏུ་སྦྱངས
iiif viewer powered by OpenSeadragon
