| e-texts navigator |
| Wylie |
46b1 རང་འགྱུར་མཛད་ནས་གསལ་བར་བྱས་པའོ།། །། ཨེ་མ་ཧོ། རྒྱལ་བས་ལུང་བསྟན་པདྨ་བདག་གིས་སུ།། སྨོན་ལམ་སྟོབས་ཀྱིས་རྒྱ་ནས་བོད་དུ་ཕྱིན།། གཙུག་ལག་ཁང་སྐྱོང་མངའ་བདག་བསམ་པ
46b2 བསྒྲུབས།། སངས་རྒྱས་བསྟན་པ་བོད་དུ་དར་རྒྱས་བྱས།། ཁྱད་པར་ལྔ་བརྒྱའི་དུས་སུ་བསྟན་པའི་རྩས།། སངས་རྒྱས་བསྟན་པ་སྤྱི་ཡི་ཐུན་མོང་དུ།། བྱ་བ་གཞི་རྒྱུད་རིན་ཆེན་སྤུངས་པ་འདི།། ཡི་གེར་བྲིས་ནས་རིན
46b3 ཆེན་གཏེར་དུ་སྦས།། སྐྱེས་བུ་ལས་ཅན་གཅིག་དང་ཕྲད་པར་ཤོག། མངྒ་ལཾ།། ། @#།། རྒྱ་གར་སྐད་དུ། མ་ཧཱ་པ་ན་ས་མ་ཨ་བི་བོ་དྷི་ས་ཏ་མ་ཧཱ་ཏན་ཏྲ་ཁ་ཡ་མ་ལ་ན་མ།
46b4 བོད་སྐད་དུ། ཐེག་པ་ཆེན་པོའི་མངོན་པར་རྟོགས་པ་བྱང་ཆུབ་ལམ་གྱི་རྒྱུད་ཆེན་ནམ་མཁའ་དང་མཉམ་པ་ཞེས་བྱ་བ། བཅོམ་ལྡན་འདས་མི་ལས་འཕགས་པའི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས
46b5 པའི་དུས་གཅིག་ན།། བཅོམ་ལྡན་འདས་མི་ལས་འཕགས་པའི་རྒྱལ་པོ་དགའ་ལྡན་ལྷའི་གནས།། རིན་པོ་ཆེའི་གཞལ་མེད་ཁང་ཆེན་པོ་ན། ལྷག་པའི་འཁོར་འཇམ་དཔལ་དང་།། སྤྱན་རས་གཟིགས་ཀྱི་དབང་པོ
46b6 དང་།། མི་འཇིགས་པ་དང་ཡོན་ཏན་མཐའ་ཡས་རྒྱལ་པོ་དང་།། སྟོབས་པོ་ཆེ་ལ་སོགས་པའི་རིགས་ཅན་རྣམས་དང་ཐབས་ཅིག་བཞུགས་སོ།། དེའི་ཚེ་སངས་རྒྱས་ཀྱི་སྐུ་གསུང་ཐུགས་ཀྱི་གསང་བའི་མཛོད་འཛིན
iiif viewer powered by OpenSeadragon
