| e-texts navigator |
| Wylie |
45b1 ཚོགས་བཅོམ།། ཉོན་མོངས་ཁམས་རྣམས་སྒྲིབ་པ་ཟད།། བདག་གཞན་གཉིས་ཀྱི་བདག་མེད་རྟོགས།། འབྲས་བུ་ས་བཅུའི་ཡོན་ཏན་ཐོབ།། སྒོམ་པའི་ལམ་ཞུགས་བག་ཉལ་སྤངས།། དེ་ཉིད་ཁོ་ན་ལ་རྨོངས
45b2 པའི།། ལྷན་ཅིག་སྐྱེས་པའི་མ་རིག་བཅོམ།། ཤེས་བྱའི་བཟང་ཞེན་སྒྲིབ་པ་ཟད།། མཐར་ཕྱིན་མི་སློབ་པ་ཡི་ལམ།། ལྷུན་གྲུབ་ས་ལ་རྫོགས་སངས་རྒྱས།། ཐམས་ཅད་དོན་གཅིག་ཉིད་ལ་རྒྱུ།། ལམ་གྱི་མཐར་ཐུག་སྙིང
45b3 པོའི་དོན།། གཞི་རྡོག་ལམ་གྱི་འབྲས་བུའོ།། སངས་རྒྱས་ཐམས་ཅད་ཀྱི་བསྟན་པའི་གཞི་རྒྱུད་མཆོག་རིན་པོ་ཆེ་སྤུངས་པ་ལས། ལམ་གྱི་བདེན་པ་ལ་འཇུག་པའི་ལེའུ་སྟེ་བཅུ་བཞི་པའོ།། །། དཔེར་ན་ས་གཞི
45b4 དུལ་བ་ཡི།། རྒྱུ་རྐྱེན་འཇོམས་པའི་ཞིང་ས་ལ།། ས་བོན་ཚ་བ་སོ་ནམ་དྲོད།། འབྲས་བུ་ཚ་བ་སྒྱུར་བ་སྟེ།། ས་བོན་མངར་བ་སོ་ནམ་བསིལ།། འབྲས་བུ་མངར་དང་བསྐ་བ་སྐྱེ།། དེ་བཞིན་རྣམ་རྟོག་སེམས་ཀྱི
45b5 གཟུགས།། བསོད་ནམས་ལས་བྱུང་མི་ལུས་ཀྱི།། ངན་རྟོག་ཀུན་སློང་ཕྱིན་ཅི་ལོག། མི་དགེ་ལས་སྤྱོད་ངན་སོང་འགྲུབ།། བཟང་རྟགས་ཀུན་སློང་བྱམས་པ་ཡིས།། དགེ་བ་སྤྱོད་པས་བདེ་འགྲོ་གནས།། ཡང་དག་ལམ
45b6 ཞུགས་བྱང་ཆུབ་ཐོབ།། ཡང་ཁར་གནས་པའི་འཕྱེ་བོ་བཞིན།། ཡན་ལག་གཉིས་སུ་གོམ་གང་འཁྲུལ།། ཡར་ལ་འགྲོའམ་མར་ལ་ལྟུང་།། སོ་མཚམས་ལམ་བཞིན་མི་ལུས་ཀྱང་།། འདི་ནས་ལམ་ལོག་སྲིད་པར
iiif viewer powered by OpenSeadragon
