| e-texts navigator |
| Wylie |
226a1 དུས་རིགས་འཛིན་དགའ་རབ་རྗེས།། འཚོ་བྱེད་གཞོན་ནུའི་ལྡུམ་རར་རྒྱས།། གདུང་བའི་ཤུགས་ཀྱིས་མཆི་མ་ཕྱུང་།། ཀྱེ་མ་ཀྱེ་ཧུད་ཀྱེ་མ་ཀླུང་།། སྟོན་པ་སྒྲོན་མའི་འོད་ནུབ་ནས།། སེམས་ཅན་མུན་པ
226a2 གང་གིས་སེལ།། དེ་ལྟར་སྨྲེ་སྔགས་བརྒྱ་ལ་སངས་ནས།། ནམ་མཁའི་དབྱིངས་སུ་ཡར་བལྟས་པས།། འོད་ཟེར་འཇའ་ཚོན་འཁྲུག་པའི་ནང་།། སྟོན་པ་དྲུག་པ་རྡོ་རྗེ་འཆང་།། ཕྱག་གཡས་གྲུབ་ལོ་ཡར་བྱུང་ནས།། རིན
226a3 ཆེན་ཤེལ་གྱི་ཟ་མ་ཏོག། སེན་གང་བ་ཅིག་མར་ལ་བོར།། བདག་གིས་ལག་གཡོན་ཡར་བརྐྱང་བས།། གླེགས་བམ་ལག་མཐིལ་གཡོན་དུ་བབས།། དེ་ཉིད་ཞལ་ཕྱེས་ལྟས་པའི།། མཐིང་གི་ཤུག་གུ་མཐིང་ཁ་ལ།། བྷེ
226a4 དུར་ཞུན་མས་བྲིས་པ་སྣང་།། མཐོང་བས་དགའ་རབ་རང་རྒྱུད་གྲོལ།། དེ་ཡི་ཞལ་ཆེམས་འདི་ལྟར་རོ།། ཀྱེ་མ་ཀྱེ་མ་རིགས་ཀྱི་བུ།། གསང་སྔགས་གསང་བའི་གནད་རྣམས་ཀུན།། གཅིག་ཏུ་དྲིལ་ལ་ཉམས་སུ
226a5 ལོང་།། ལུས་ངག་ཡིད་ཀྱི་སྔོན་འགྲོ་ནི།། མི་རྟག་སྙིང་རྗེས་བྱང་སེམས་བསྒོམ།། དབེན་ཞིང་ཉམས་དགའ་གནས་ཉིད་བརྟེན།། ཆོས་དང་མཐུན་པའི་མཆེད་གྲོགས་ཚོལ། ཁམས་ཀྱི་བརྟན་པོ་ཡོ་བྱད་བསར།། སྐུ
226a6 གསུམ་རྟེན་གྱི་མཆོད་པ་ཤིས།། ལུས་ནི་མ་བཅོས་གང་བདེར་འདུག། ངག་ནི་འཆལ་པའི་ལོ་བྱུང་ཡང་།། སེམས་རྟོག་སྔ་ཕྱི་བར་གསུམ་ཆོད།། འདི་ནི་ཞེན་ལོག་དྲག་པོ་བསྒོམ།། དགེ་མེད་རྒྱུད་ལ་ཡང་ཡང
iiif viewer powered by OpenSeadragon
