| e-texts navigator |
| Wylie |
222b1 རྒྱུད་ཅེས་བྱ་བ་རིན་ཆེན་བྲིས་ཏེ་མགུལ་དུ་བཅངས་པས་ཐེག་རྗེ་དྲན་པར་སངས་རྒྱས་པའོ།། སྔགས་ཀྱི་སྲུངས་མས་སྲུངས་ཅིག། ས་མ་ཡ། གཏེར་རྒྱ། སྦས་རྒྱ། ཟབ་རྒྱ། ཧྱ་ལ་ཀ་ན་བ་མཱ། རྩ་དྷཉྫ་རྟི་ཌ་ཊཾ།།
222b2 རྒྱ་གར་སྐད་དུ། ཨ་ཨ་ཨཱཾ། བོད་སྐད་དུ། སྟོང་པའི་སྒྲ། བཅོམ་ལྡན་འདས་ཀུན་སྣང་འདུས་མ་བྱས་ལ་ཕྱག་འཚལ་ལོ།། འདི་སྐད་ཅེས་སྣང་བའི་དུས་ན་ཀུན་ཁྱབ་བརྡལ་བ་ཆེན་པོའི་ཞིང་ཁམས་སུ།
222b3 སྤྲུལ་པའི་སྐུ་ཉིད་དུ་ཤར་ཏེ། ཐབས་ཤེས་གཉིས་སུ་མེད་པའི་ཁྱེའུ་ཆུང་རྡོ་རྗེ་འཆང་གིས། འཕྲིན་ལས་རྣམ་པ་བཞིའི་འཁོར་ལོ་ལ་འདི་སྐད་ཅེས་བཀའ་སྩལ་ཏོ།། ཨེ་མ། ངོ་བོ་ཆོས་རྣམས་ངང་གིས་སྟོང་།། ལྟ་བ
222b4 མཐའ་གྲོལ་ལ་ཟློས་ཅིག། རིན་ཆེན་ཆོས་རྣམས་ངང་གིས་གསལ།། སྒོམ་པ་ཐོད་རྒལ་ལ་ཟློས་ཅིག། སྤྱོད་པ་ཐུགས་རྗེ་རང་གྲོལ་དང་།། སྐུ་གསུམ་རང་གསལ་ལ་ཟློས་ཅིག། སྣང་བ་ཕྱི་རུ་བཟོ་མ་བཅོས།། རིག་པ
222b5 ནང་དུ་རྩིས་མ་འདེབས།། སྣང་རིག་བར་ན་ཧྲིག་གེ་བ།། དབྱིངས་ཆེན་དང་ན་ལམ་མེ་བ།། རྐྱེན་བྲལ་ཡུལ་ལ་ཁྱུག་གེ་བ།། མ་བཅོས་མ་ཡངས་ལ་ཟློས་ཅིག། ཚོགས་དྲུག་དབང་ཐོབ་གཞན་དོན་བྱེད།། ལུས་གློང
222b6 ངག་སྡོམ་སེམས་མི་འཕྲོ།། འདི་ཉིད་བསྟན་པའི་ཐོག་མའོ།། འཁོར་འདས་གཉིས་མེད་གདེངས་ཆོས་ཅིག། ཤོ་ལོ་ཀ་ནི་བཞི་པ་འདི།། འབྱུང་བཞིའི་སྒྲ་རུ་རང་བྱུང་བས།། འདི་དང་སུ་འཕྲད་གདོད་མར་གྲོལ།། ལྔ
iiif viewer powered by OpenSeadragon
