| e-texts navigator |
| Wylie |
175b1 དང་ལྷན་ཅིག་ཏུ་བཞུགས་སོ།། དེའི་ཚེ་ཆོས་སྐུའི་ངང་ལས་མ་གཡོས་བཞིན་དུ། གཟུགས་སྐུའི་ཡེ་ཤེས་འཆད་པ་པོ་དང་།། ཞུ་བ་པོ་གཉིས་ཀ་རང་ལས་བྱུང་སྟེ།། རང་འབྱུང་སྤྲུལ་པའི་རྡོ་རྗེ་སྙིང་པོ་ལ་འདི་སྐད་ཅེས
175b2 གསོལ་ཏོ།། ཨེ་མ་ཧོ། ཐམས་ཅད་མཁྱེན་པའི་བཅོམ་ལྡན་འདས་དཔལ་ཀུན་ཏུ་བཟང་པོ་དེ་བཞིན་ཉིད་ཀྱི་ཆོས་ཉིད། ཀུན་ལ་ཁྱབ་པ་བྱང་ཆུབ་ཀྱི་སེམས་རང་རིག་པའི་ཡེ་ཤེས། སྐུ་གསུམ་གྱི་རང་བཞིན་ཕུན་སུམ
175b3 ཚོགས་པའི་སངས་རྒྱས་དེ་གང་ལགས། ཐམས་ཅད་དང་ལྡན་པའི་འཁོར་རྣམས་ལ་བཤད་དུ་གསོལ།། བཅོམ་ལྡན་འདས་རང་རིག་པའི་རྒྱལ་པོས་བཀའ་སྩལ་པ། ལེགས་སོ་དཔལ་ལྡན་རྡོ་རྗེ་འཆང་།། རྡོ་རྗེ་སྙིང་པོ
175b4 ཁྱོད་ཞུས་པས།། ང་ཡིས་བཤད་ཀྱིས་ཐམས་ཅད་མཁྱེན་པའི་ཡེ་ཤེས་དེ།། མ་རྟོགས་གདུལ་བྱ་སྣང་བ་རུ།། གཅིག་དང་དུ་མ་བྲལ་བ་ཡི།། བྱེ་བྲག་རྣམ་པ་གསུམ་དུ་བྱུང་།། ཆོས་སྐུ་ལོངས་སྐུ་སྦྲུལ་སྐུའོ།། ཆོས་སྐུའི
175b5 སྟོན་པས་ཀུན་ལ་ཁྱབ།། ཆོས་སྐུའི་གནས་ནི་ཆོས་ཀྱི་དབྱིངས།། ཆོས་སྐུའི་འཁོར་ནི་ཐམས་ཅད་ཀུན།། ཆོས་སྐུའི་ཆོས་ནི་དེ་བཞིན་ཉིད།། བྱིན་གྱིས་རླབས་ཀྱིས་ངོ་བོ་བཤད།། སྒྲ་བསམ་བརྗོད་མེད་རྒྱུན་མི
175b6 འཆད།། ཆོས་སྐུའི་ངང་ལས་ལོངས་སྤྱོད་རྫོགས།། ལོངས་སྐུའི་སྟོན་པ་ཀུན་ཏུ་སྣང་།། ལོངས་སྐུའི་གནས་ནི་ཀུན་ཏུ་གསལ།། ལོངས་སྐུའི་འཁོར་ནི་དག་པའི་སེམས།། ལོངས་སྐུའི་ཆོས་ནི་འོད་ཟེར་ཚུལ།། རང་གི་ངོ
iiif viewer powered by OpenSeadragon
