| e-texts navigator |
| Wylie |
175a1 པར་མཛད།། གཏེར་སློབ་ཀུན་གྱིས་བཀའ་དྲིན་རྗེད་པར་འཕངས།། ད་ལྟའི་དུས་ན་ལས་འཕྲོ་སྙོམ་ལས་ཅན།། ཚེ་འདིར་ཐར་པའི་བྱང་ཆུབ་འདོད་གྱུར་ཀྱང་།། ལེ་ལོའི་དབང་ངམ་བསོད་ནམས
175a2 དམན་པ་ཡིས།། ཉམས་ལེན་མ་གྲུབ་ཨོཾ་རྒྱན་ཐུགས་རྗེས་བསྐུལ།། དགེ་བ་དྲི་མེད་བཅོ་ལྔའི་ཟླ་འདྲ་དེས།། ཕ་མས་གཙོ་བྱས་འགྲོ་བ་ཉམ་ཐག་རྣམས།། ཐར་ལམ་ཆེན་པོ་སྙིང་པོའི་དོན་རྟོགས་ནས།། བདེ་ལྡན་ཞིང
175a3 དུ་མཐའ་ཡས་ཞབས་དྲུང་དུ།། དཀར་སྨུག་འདབ་མ་སྟོང་ལྡན་ཟེ་འབྲུ་ལ།། ལོངས་སྤྱོད་རྫོགས་སྐུ་མཚན་དཔེ་ལྡན་པ་ཡིས།། བྱང་ཆུབ་སེམས་ཀྱི་སྤྲུལ་པར་འགྱེད་པར་ཤོག།།
175a4 ཨོཾ་རྒྱན་ཌ་ཀི་བརྡའི་སྐད་དུ། རྒྱ་གར་སྐད་དུ། སརྦ་ཏ་ཐཱ་ག་ཏ་བཱག་ཙིཏྟ་གརྦྷ་ཏ་ད་ཡ་ཏི་ཛྷ་ཨ་ལ་ཧ་ཏན་ཏྲ་གུ་ཧྱ་སམ་སན་ནཱ་མ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་སྐུ
175a5 གསུང་ཐུགས་ཀྱི་སྙིང་པོ་དེ་ཁོ་ན་ཉིད་ངེས་པ་ཡེ་ཤེས་མཆོག་གི་རྒྱུད་ཆེན་གསང་བ་ཡོངས་རྫོགས་ཞེས་བྱ་བ། བཅོམ་ལྡན་འདས་རིག་པ་འདུས་མ་བྱས་པའི་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད
175a6 བདག་གིས་ཐོས་པའི་དུས་ཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཆེན་པོ།། ཆོས་ཀྱི་དབྱིངས་བྷ་ག་ཡངས་པའི་ཀློང་ནས།། སྐུ་གསུམ་གྱི་ངོ་བོ་ཐམས་ཅད་ལྡན་པའི་འཁོར་རྣམས
iiif viewer powered by OpenSeadragon
