| e-texts navigator |
| Wylie |
107b1 ལ་ཁྱབ་པས་མཁའ་ལྟ་བུ།། དཔེར་ན་དཔག་བསམ་སྡོང་པོ་ལ།། ཡལ་ག་ལོ་འདབ་མེ་ཏོག་དང་།། འབྲས་བུ་ཤུན་པ་དྲི་བསུང་ནི།། ལོ་རེ་ཟླ་རེ་ཞག་རེ་ཞིང་།། འབྱུང་སྟེ་འགྲོ་བའི་འདོད་བསྒྲུབས་ཀྱང་།། ཤིང་ནི་སླར
107b2 ཞིང་ཆེར་འཕེལ་ནས།། རྩལ་རྫོགས་མྱུ་གུར་མི་བཟློག་པར།། སྡོང་པོས་འདོད་དགུ་འབྱུང་བ་བཞིན།། བྱང་ཆུབ་སེམས་ཀྱི་ཆོས་ཉིད་འདི།། མ་རྟོགས་འགྲོ་བ་སེམས་ཅན་གྱིས།། རང་སྣང་རྟོག་པ་ཇི་བཞིན
107b3 སྒྲུབ།། རྟོག་འདོད་སེམས་ཀྱི་ཏིང་འཛིན་གྱིས།། རང་རང་བློ་དང་གང་འཚམས་པའི།། ཐེག་པ་རིམ་པ་སྣ་ཚོགས་པའི།། དེར་འདོད་དེའི་དོན་རྣམས་གྲུབ།། ཐེག་པ་རྣམ་པ་སྣ་ཚོགས་ཀྱང་།། གང་ཟག་འདོད་པ་ཐ་དད
107b4 ལ།། ཐབས་ཀྱིས་དྲང་ཕྱིར་བསྟན་པ་ལས།། བློ་ཆེན་ཤེས་རབ་ལྡན་པ་ལས།། དེ་རྣམས་ཐམས་ཅད་དོན་གཅིག་པར།། བྱང་ཆུབ་སེམས་ཀྱི་ཡོན་ཏན་གྱི།། གནས་སྐབས་དུས་ཀྱི་འབྲས་བུ་ཡིན།། སེམས་ལས་མ་བྱུང
107b5 ཡོན་ཏན་མེད།། ཐམས་ཅད་སེམས་ཀྱི་ཆོ་འཕྲུལ་ལ།། ཐད་ཀའི་སྤྱོད་ཡུལ་འབྲས་བུ་ནི།། ཕྱོགས་མེད་རྒྱུན་དུ་རང་སར་འབྱུང་།། བློ་ཆུང་ཐེག་དམན་ཕྱོགས་རིགས་ཅན།། རང་སྣང་མེད་པ་གཞན་མི་རྟོགས།། རྟོགས
107b6 ན་ཐེག་པ་གཅིག་ཏུ་འགྱུར།། བྱང་ཆུབ་སེམས་དཔའ་ཆེན་པོའོ།། རང་རང་འདོད་པའི་བློ་བཞིན་དུ།། དགོས་འདོད་རྒྱུན་མི་འཆད་སྤྱད་ཀྱང་།། འཛད་པ་མེད་པའི་བྱང་ཆུབ་སེམས།། ཐམས་ཅད་དབྱེར་མེད་ཆོས
iiif viewer powered by OpenSeadragon
