| e-texts navigator |
| Wylie |
9b1 བྱེད་པ་མེད་པ་དེ།། ཁུར་བར་བྱེད་པ་བྱ་ཡི་རྗེ། རྗེ་དང་འབངས་ཀྱི་ཁྱད་པར་དུ།། བྱ་དེ་གཉིས་དང་ལྡན་པ་ལ།། དོན་མེད་དུས་ཚིགས་བསྲུང་བ་ལྟར། ཕྱག་རྒྱ་བཞི་ལྡན་སྤྱི་དང་ཁྱད་པར་གཉིས།། བྱིན་རླབས་ལས
9b2 བྱུང་རྩ་བའི་ཡན་ལག་བཞི།། བྱང་ཆུབ་ལྔ་ཡི་སྒོ་ནས་ཐོབ་འདོད་པ།། དག་པ་ཉིད་ལ་ལྟ་བར་སྤྱོད་བྱེད་ཅིང་།། ལྷ་སྤྱོད་གཉིས་ལྡན་ཨུ་པ་ཡ་ཉིད་ནི།། གཉིས་ལ་བཟུང་བས་དོན་མེད་བྱང་ཆུབ་གོལ།། དཔེར་ན་ཁུ་བྱུག
9b3 དོན་གྱི་མཆོག། རང་གི་ལས་སུ་དུས་ཚིགས་བསྲུང་།། ང་ལ་ཞིང་ཆད་དེ་དམན་པ་ལྟར།། ཡོ་ག་རྣམ་གཉིས་དམ་ཚིག་གི། བསྲུང་བ་འབད་རྩོལ་ཉམས་སུ་ལེན།། སྦྱོར་སྒྲོལ་སྡོམ་བསྲུང་ཉི་ཤུ་བརྒྱད། ཉམས་སུ་ལེན་པ
9b4 དམན་པའི་རྒྱུ།། བཅུ་དྲུག་དོན་རྫོགས་ངལ་བ་སྟེ།། བསྒོམ་པར་བྱ་བ་ལྟ་མིག་བྲལ།། རྫོགས་ཆེན་ཐེག་པ་ཀུན་གྱི་མཁར།། མཁར་འགྲམ་ཞབས་ནས་མ་འགྲམས་ན།། ཡོན་ཏན་ལུས་ལྷུན་གྱིས་རྫོགས།། དཔེར་ན་ཁུ
9b5 བྱུག་བྱ་རྒྱལ་དེ།། བྱ་གཞན་ཟིལ་གནོན་འདབ་གཤོག་རྫོགས།། བྱ་བྲན་ཀུན་གྱིས་འཁུར་བ་ལྟར།། རྫོགས་པ་ཨ་ཏི་ཡོ་ག་ནི།། ཐེག་པ་ཀུན་གྱི་རྒྱལ་པོ་སྟེ།། རི་ཡི་རྒྱལ་པོར་རབ་བཞིན།། རི་རྒྱལ་ཟིལ་གནོན་བྱ་རྗེ
9b6 འདྲ།། ཐེག་པ་གཞན་གྱི་ཁུར་དུ་ཁུར།། ལྟ་བའི་ངོ་བོ་དོན་གྱི་མཆོག། དྲང་སྲོང་བསྒོམ་འདོད་སྒོམ་པ་ལ།། འདུ་འཛི་སྤངས་ནས་དགོན་དབེན་བཟུང་།། བསྟོད་པས་རྒྱལ་བ་འདོད་པ་ནི།། དཔེར་ན་ཁུ་བྱུག་ས་མཚམས
iiif viewer powered by OpenSeadragon
