| e-texts navigator |
| Wylie |
35a1 རྒྱན།། ཉིད་ཀྱིས་ཀུན་ཏུ་བལྟས་པ་ཡིས།། འཕྲིན་ལས་ཐོགས་མེད་སྐུ་ཡང་ཐོབ།། དེ་དོན་གཞན་གྱིས་བརྗོད་མི་ནུས། ཞེས་བཀའ་སྩལ་ཏོ།། དེ་ནས་རྡོ་རྗེ་སེམས་དཔའ་ཞེས་བྱ་བ། དུས་གསུམ་གྱི་བདེ
35a2 བར་གཤེགས་པ་ཐམས་ཅད་ཀྱི་ཐུགས་རྡོ་རྗེའི་ལྟེ་བ་ལས་འཁྲུངས་པ་དེ་ཉིད་གླིང་བཞི་བརྒྱན་པའི་ཞིང་ཁམས་བརྡལ་བ་ཆེན་པོའི་འཕྲིན་ལས་ལ་དབང་བར་མ་བསྐུར་ནས། རང་བྱུང་གི་ཡི་གེ་ཆེན་པོ་རྡོ་རྗེ་སེམས
35a3 དཔའི་ཕྱག་མཐིལ་གཡས་སུ་འཕངས་ཏེ། ཅི་ཡང་མི་གསུང་བར་ཞལ་གྱི་དཀྱིལ་འཁོར་སྦས་ཏེ་བཞུགས་སོ།། དེའི་ཚེ་རྡོ་རྗེ་སེམས་དཔས་ཟ་མ་ཏོག་ཞལ་ཕྱེ་སྟེ། བལྟས་པས་ངོ་མཚར་བར་སྣང་ཡང་། གསང་བ་ཆེན
35a4 པོ་རྡོ་རྗེའི་ཚིག་འདི་ཤིགས་པར་མ་གྱུར་ནས།། ཐུགས་མཉམ་པར་བཀོད་པའི་མཐུས་གསོལ་བ་བཏབ་པ། ས་གཡོ་བ་ཆེན་པོ་ཡང་བྱུང་། སྒྲ་ཆེན་པ་ཡང་གྲག། འོད་ཀྱི་སྣང་བ་ཆེན་པོ་ཡང་བྱུང་སྟེ། བལྟས་པས་རང
35a5 བྱུང་གི་ཡི་གེ་ཆེན་པོ་འགྲོ་བ་སོ་སོའི་སྐད་ཀྱི་རིགས་ལྟར་སྣང་བར་གྱུར་ཅིག། ཅེས་ཡང་བྱུང་ངོ་།། སྒྲ་དེས་ཞིང་ཁམས་འདི་ཉིད་དུ་སྒྲ་རྣམས་ཇི་སྙེད་པའི་སྒྲར་རང་སྣང་བའོ།། སངས་རྒྱས་ཐམས་ཅད་ཀྱི་ཐུགས་གསང
35a6 བ་ཆེན་པོའི་རྒྱུད་ལས། ངོ་མཚར་བའི་ལྟས་མཐོང་ཞིང་རྗེས་སུ་བཟུང་བའི་ལེའུ་སྟེ་གཉིས་པའོ།། ། དེ་ནས་སྟོན་པས་ཞལ་གྱི་དཀྱིལ་འཁོར་ཕྱེ་ནས་བཀའ་སྩལ་པ། ཨེ་མ་ཧོ། སངས་རྒྱས་དུས་གསུམ་བཞུགས
iiif viewer powered by OpenSeadragon
