| e-texts navigator |
| Wylie |
33b1 འཆར་ཡང་རང་སྣང་རང་བྱུང་ཡིན་པས། ཐ་ཚོད་རང་ལ་གྱིས་ཤིག། འདི་ཕྱི་གཉིས་སུ་མེད་དེ། བློ་འདས་རྩོལ་མེད་དུ་གྲོལ་ལོ།། ལན་ཅིག་དུས་ཀྱི་ཐ་མ་ལ། སྐལ་ལྡན་ལས་འཕྲོ་ཅན་དང་འཕྲད་ནས་འདི་ལ
33b2 ལོངས་སྤྱོད་ཤོག། ཅེས་གསུངས་སོ།། ཁ་ཐཾ།། །། @#། རྒྱ་གར་སྐད་དུ། སརྦ་བུདྡྷ་ཙིཏྟ་མ་ཧཱ་གུ་ཧྱེ་ཏནྟྲ། བོད་སྐད་དུ།། སངས་རྒྱས་ཐམས་ཅད་ཀྱི་ཐུགས་གསང་བ་ཆེན་པོའི་རྒྱུད།
33b3 བཅོམ་ལྡན་འདས་འབྲས་བུ་ཐམས་ཅད་ཀྱི་མངའ་བདག་ལ་ཕྱག་འཚལ་ལོ།། འདི་སྐད་བདག་གིས་བསྟན་པ་རང་འབྱུང་བའི་དུས་གཅིག། ཡུལ་ཆོས་ཉིད་ལ་ཡེ་ཤེས་ཟང་ཐལ་དུ་ཤར། ཞིང་ཁམས་ཐམས་ཅད་ཡེ
33b4 ཤེས་སུ་མ་སྒྲིབས་པར་གསལ་བའི་དུས་གཅིག་ན། སྣ་ཚོགས་ཡུལ་སྣང་ཐམས་ཅད་ནི་ལོང་སྤྱོད་རྫོགས་པའི་སྐུ། འབྱུང་བའི་སྒྲ་ཐམས་ཅད་ནི་བསྟན་པའི་གསུང་དུ་སྒྲོགས་པ། ཇི་ལྟར་འགྱུ་ཞིང་དྲན་པ་ཐམས་ཅད
33b5 ནི་ཐུགས་རྣམ་དག་ཆེན་པོའི་ཀློང་བརྡོལ་ནས་ཆོས་ཉིད་དོན་གྱི་ནམ་མཁའ་ལ་གནས་ལུགས་རིག་པའི་སྒྲ་ནི་བསྒྲགས། ཆོས་སྐུ་ཉག་གཅིག་སྤྲོས་དང་བྲལ་བའི་སྤྲིན་ཕུང་ནི་གཏིབས།། གཉིས་མེད་མཉམ་པའི་ཆར་ཆེན
33b6 པོ་ནི་ཕབ། ཉོན་མོངས་བདག་ཏུ་འཛིན་པ་ཐབ་ནི་རླན། གདུལ་བྱ་ཡུལ་ཅན་རྣམ་རྟོག་ནི་བཅད། སེམས་ཅན་འཁོར་བར་ཡུན་རིངས་གནས་པ་རྣམས་ནི་དྲངས། ཕྱོགས་བཅུར་ཁྱབ་པའི་དུང་ནི་བུས། ཐེག་པ
iiif viewer powered by OpenSeadragon
