| e-texts navigator |
| Wylie |
33a1 གསང་བའི་དབང་རྫོགས་པ་ལ་སྟོན་ཅིག་ཅེས་བཀའ་སྩལ་ཏོ།། ངོ་སྤྲོད་པའི་རྒྱུད་ལས། སེམས་ཡེ་ཤེས་སུ་བསྟན་པའི་ལེའུ། སྠི།། དཔེའི་ངོ་སྤྲོད་པ་ལ་གསུམ་སྟེ། ཤེལ་དང་ཉི་མ་འདྲ་འབག
33a2 གསུམ། ཤེལ་ཏེ་རྡོ་རྗེ་སེམས་དཔའི་མེ་ལོང་ཡིན། དེའི་ཕྱིར་ཤེལ་ལ་མིག་བཅུག་ནས་བལྟས་པས། སངས་རྒྱས་ཀྱི་རང་ལུས་འོད་ཀྱི་ཕུང་པོ་ལ། འོད་ཁ་དོག་ལྔ་ཕྲ་ལ་དྲངས་པ། གསལ་ལ་འཚེར་བ། རང་བཞིན
33a3 གྱིས་བཀྲག་ལ་ཉམ་ང་བ། ཁ་དོག་ལྔ་ཙེ་རེ་རེ། མངོན་སུམ་དུ་འཆར་བས། དེ་དག་ཡེ་ཤེས་ཀྱི་སྣང་བ་ཡིན་ནོ།། དེ་བཞིན་དུ་རང་གི་རིག་པའི་རང་གདངས་འོད་ཁ་དོག་ལྔ་ལྡན་དུ་ཡོད་དོ།། རང་གི་རིག་པའི་རང་འོད
33a4 ངོ་ཤེས་པར་བྱས་ལ། རང་འོད་ལ་མ་ཡེངས་པར་བལྟའོ།། དེ་ནི་དག་སྣང་ལྟ་བའི་ཡང་ལྟ་བ་ཡིན་ནོ།། ཉི་མ་ལ་ངོ་སྤྲོད་པ་ནི། མིག་གི་སྟེང་དུ་ཟེར་མ་སྐབ་ལ་བལྟའོ།། དེ་ལ་འོད་ཟེར་མཚོན་ཆའི་རྩེ་མོ་འཕྲོ་བ་བཞིན
33a5 དུ་འབྱུང་སྟེ།། དེ་ཉི་མ་ཕྱེད་ལ་བལྟས་པས་འཁྲུལ་སྣང་དག་སྣང་དུ་འཆར་རོ།། འདྲ་འབག་གམ།། སྐུ་གཟུགས་སམ། ཞིང་ཁམས་ཉི་མ་ལ་བཞག་ནས་ཤེལ་ལ་བལྟས་པས། ལོངས་སྐུ་ཁ་མིག་རྣ་བ་ཅན་དུ་འཆར
33a6 རོ།། དེ་ཇི་ལྟ་བ་བཞིན་དུ་བར་དོ་ལོངས་སྐུའི་སྣང་བ་འཆར་ཙ་ན། རང་སྣང་དུ་ངོ་ཤེས་པར་དེ་ཉིད་དུ་གྲོལ་འགྲོའོ།། དཔེའི་ངོ་སྤྲོད་ཀྱིས་དོན་ལ་ཕབ་བོ།། དོན་གྱི་ངོ་སྤྲོད་ཀྱིས་དོན་ལ་ཟག་ཆོད། སྣང་བ་སྣ་ཚོགས་སུ
iiif viewer powered by OpenSeadragon
