| e-texts navigator |
| Wylie |
32b1 མ་ཧུ་ཟེར་ནས་ནང་དུ་འདྲེན་ནོ།། གསང་བའི་བདག་པོ།། སྲིད་པའི་རི་བོ་ལས་རྒལ་བའི་དུས་སུ། སྲོག་རྒྱུ་བའི་རླུང་ནང་ནས་ཕྱིར་འདྲེན་ལ་སྟོབས་ཆེ། འདུས་པའི་ནམ་མཁའ་ལ་ཕྱིར་འདྲེན་པའི་སྟོབས་ཆེ། ནང་དུ
32b2 འདྲེན་པའི་རླུང་གིས་ཕྱིའི་ནམ་མཁའ་ནས་ཚུར་འདུས་ཐུགས་རིག་པའི་ཡེ་ཤེས་ལ་ཐིམ་མོ།། ཕར་འཕྲོས་ཏེ་འདུས་མ་བྱས་པའི་ནམ་མཁའ་ལ་ཐིམ་པས། རྣམ་པར་རླུང་ཞོན་གྱི་དགོངས་པ་ཞེས་བྱ་བའོ།། ཐ་མ་ཧ་ཟེར
32b3 ནས་ཕར་ལ་སོང་སྟེ། ཧུ་ཟེར་ནས་ཚུར་མ་འདུས་པའི་ཚེ། རང་གི་མདུན་གྱི་ནམ་མཁའ་ལ་ཡེ་ཤེས་ཀྱི་མཐོངས་ཞེས་བྱ་བ། འོད་ཁ་དོག་ལྔ་བཀྲ་ལམ་མེ་སྣང་ངོ་།། དེ་ངོ་ཤེས་པས་ལྕགས་ལ་གསེར་འགྱུར་རྩི་བཏང་བ
32b4 འམ། མུན་ཁུང་དུ་སྒྲོན་མེ་བཏེག་པ་ལྟར་སྐད་ཅིག་ལ་ཡར་གྱི་ཟང་ཐལ་དུ་གྲོལ་ལོ།། རིགས་ཀྱི་བུ་ནང་དབུགས་དང་མ་བྲལ་བ་ལ། རྡོ་རྗེ་སེམས་དཔའི་སྣ་ཐག་ཀྱང་བྱ། ཐུགས་རྗེ་རྒྱུན་གྱི་སྣ་ཐག་ཀྱང་བྱ་སྟེ། རང་གི
32b5 མིག་ནས་མདུན་གྱི་ནམ་མཁའ་ལ། འོད་ཁ་དོག་ལྔ་ཟག་པ་བརྐྱང་བ་འམ།། སྐས་བཙུགས་པ་ལྟར་སྣང་ངོ་།། དེའི་དུས་སུ་ཤེས་པ་རང་གི་མིག་ལ་གཏད། མིག་ཟུགས་རྗེ་རྒྱུན་མི་འཆད་པའི་ཟག་པ།། འོད་ཁ་དོག་ལྔ
32b6 ལ་གཏད་པས།། ཡར་གྱི་ཟང་ཐལ་ལ་གྲོལ་ལོ།། ཡང་ན་ཐུགས་རྗེའི་འོད་ཁ་དོག་ལྔ་ཤར་བའི་ཚེ། ཡེ་ཤེས་ལྔ་ལྡན་གྱི་དཀྱིལ་འཁོར་ཐོབ་ནས།། དབུགས་མ་ཆད་པ་ལ་སངས་རྒྱའོ།། གསང་བའི་བདག་པོ། ཕྱི་ནང
iiif viewer powered by OpenSeadragon
