| e-texts navigator |
| Wylie |
31b1 རྒྱས་ཀྱི་ཞིང་ཁམས་རྣམ་པར་དག་པ། མེ་ལོང་གི་ངོས་ལ་ཉི་མ་ཤར་བ་ལྟ་བུ་དུས་གཅིག་ལ་འཆར་རོ།། དེའི་དུས་སུ་འོད་མཐིང་ཀ་མཐོང་བའི་ཚེ་ན།། འདི་ཀ་རག་གི་རིག་པ་ངོ་བོ་སྟོང་པ་ཆོས་ཀྱི་དབྱིངས་ཀྱི་ཡེ་ཤེས
31b2 སུ་ཤེས་པས།། རྡོ་རྗེ་སེམས་དཔའ་ཡབ་ཡུམ་འཁོར་དང་བཅས་པ་འགྲུབ་པར་འགྱུར་རོ།། འོད་སེར་པོ་མཐོང་བའི་ཚེ།། མཉམ་པ་ཉིད་ཀྱི་ཡེ་ཤེས་སུ་ཤེས་པས། རིན་ཆེན་འབྱུང་ལྡན་ཡབ་ཡུམ་འཁོར་དང་བཅས་པ
31b3 འགྲུབ་པར་འགྱུར་རོ།། འོད་དམར་པོ་མཐོང་བའི་ཚེ། སོ་སོར་རྟོག་པའི་ཡེ་ཤེས་སུ་ངོ་ཤེས་པས། སྣང་བ་མཐའ་ཡས་ཡབ་ཡུམ་འཁོར་དང་བཅས་པ་འགྲུབ་པར་འགྱུར་རོ།། འོད་ལྗང་ཁུ་མཐོང་བའི་ཚེ། བྱ་བ་གྲུབ
31b4 པའི་ཡེ་ཤེས་སུ་ངོ་ཤེས་པས། དོན་ཡོད་གྲུབ་པ་ཡབ་ཡུམ་འཁོར་དང་བཅས་པ་འགྲུབ་པར་འགྱུར་རོ།། གསང་བའི་བདག་པོ་དག་སྣང་ཤར་བས།། ཡེ་ཤེས་ལྔར་ཤེས་ཤིང་།། དེ་དྲན་པས་སངས་རྒྱས་ཐོབ
31b5 བོ།། འབྲོག་དགོན་པར་འཁྱམས་པའི་མིས་བཟའ་བཏུང་མི་བསམ།། ཟས་དྲན་པས་ཡང་དག་པར་རྫོགས་པའི་སངས་རྒྱས་བླ།། ཞེས་དུས་གསུམ་སངས་རྒྱས་ཀྱིས་གསུངས་སོ།། ཡང་དག་པར་རྫོགས་པའི་སངས
31b6 རྒྱས་ནི་འདུས་མ་བྱས་ཡིན་ལ། བྱས་པའི་ཆོས་ཀྱིས་འགྲུབ་ན་འདུས་བྱས་སུ་འགྱུར་རོ།། བདེ་གཤེགས་ཡེ་ཤེས་ལུས་ཅན་དེ།། རང་ལས་བྱུང་ཞིང་རང་གིས་ཤེས།། རང་ནི་དེ་ཉིད་དུ་གྲོལ་ལོ།། མཐོང་བྱེད་ཀྱིས་མཐོང
iiif viewer powered by OpenSeadragon
