| e-texts navigator |
| Wylie |
30b1 པོ་ཡང་ཉོན་ཅིག། སེམས་ཀྱི་རྟེན་ནི་རང་རང་གི་ལུས་པོའི་བྱང་ཁོག་སྟོད་ཡིན་ནོ།། གནས་ནི་གློ་བའི་ནང་ན་ཡོད་དོ།། ལམ་ནི་གློ་བ་དང་མགྲིན་པར་རྩ་གྲོ་སོག་གི་སྦུ་གུ་ཙམ་གྱིས་སྦྲེལ་ནས་ཡོད་དོ།། དེ་ནི་དབུགས
30b2 འགྱུ་བའི་སེམས་ཀྱི་ལམ་རྩ་ཡིན་ནོ།། སྒོ་ནི་འདོད་པའི་སྒོ་གསུམ་སྟེ། སྣ་བུག་གཉིས་དང་ཁ་གསུམ་ཡིན་ནོ། འདོད་པའི་ཤེས་པ་དེ་ནས་འབྱུང་ངོ་།། སེམས་རང་གི་ངོ་བོ་རྣམ་པར་རྟོག་པ་དང་བཅས་པ།། རྣམ་རྟོག་གི
30b3 དབུགས་ཕྱི་ནང་དུ་རྒྱུ་བ་འདི་རང་ཡིན་ནོ།། རིགས་ཀྱི་བུ་སེམས་ལས་བྱུང་བ་རྣམས་ནི་འཁོར་བའི་རྒྱུ་ཡིན་ནོ།། ཞེས་བཀའ་སྩལ་ཏོ།། དེ་ནས་ཡང་གསང་བའི་བདག་པོས་ཞུས་པ། ཨེ་མ་མགོན་པོ་འོད་དཔག
30b4 མེད།། རང་གི་གཟུགས་ཀྱི་ཕུང་པོ་ལས།། སེམས་དང་ཡེ་ཤེས་རྣམ་པར་གཉིས།། ད་ལྟ་འཕྲད་ཚུལ་ཇི་ལྟར་འཕྲད།། ཐ་མ་གྱེས་ཚུལ་ཇི་ལྟར་འགྱེས།། ཞེས་ཞུས་མགོན་པོར་བཀའ་སྩལ་པ།། གསང་བའི་བདག་པོ་དེ
30b5 ལྟར་འཕྲད་ཚུལ་ནི།། རང་གི་སྙིང་གི་དཀྱིལ་ན་རིག་པ་ཆོས་ཀྱི་སྐུའི་ངོ་བོ།། སྟོང་པ་འདུས་མ་བྱས་པར་བཞུགས་སོ།། རིག་པ་རང་གི་ངོ་བོ་ཉུངས་ཀར་ཡང་ཞུན་ལྟ་བུར་བཞུགས་སོ།། དབུགས་འདོན་པའི་སྒོ་གསུམ
30b6 འཆར་རོ།། རིག་པ་འོད་ཀྱི་གོང་བུ་ཚོན་ལྔའི་གྲུ་གུ་བསྡོགས་པ་ལྟ་བུར་གནས་སོ།། རིག་པ་ཆོས་ཀྱི་སྐུ་ཡེ་ཤེས་ལྔའི་མཚན་ཉིད་དུ་བཞུགས་སོ།། རིགས་ཀྱི་བུ་དེའི་ཚེ་ཡེ་ཤེས་རང་གི་སྙིང་ནང་ནས་འཐོན་ནས།། ལམ
iiif viewer powered by OpenSeadragon
