| e-texts navigator |
| Wylie |
29b1 རྒྱ་གར་སྐད་དུ། པུཎྜ་པྲ་ན་ཏནྟྲ་ནཱ་མ། བོད་སྐད་དུ། སངས་རྒྱས་ངོ་སྤྱོད་པའི་རྒྱུད། བཅོམ་ལྡན་འདས་སྟོང་པ་ཆེན་པོ། ཡེ་ཤེས་ཀྱི་སྙིང་པོ་མ་འགགས་པར་རང་གསལ་བ་ལ་ཕྱག་འཚལ་ལོ།། འདི་སྐད
29b2 བདག་གིས་བསྟན་པའི་དུས་གཅིག་ན། ཆོས་ཀྱི་དབྱིངས་ཀྱི་ཕོ་བྲང་། རང་བྱུང་རིག་པའི་རྒྱལ་པོ་འཁོར་ཡེ་ཤེས་རྒྱ་མཚོའི་ཚོགས་ལ། ཞིང་ཁམས་སུམ་རྩེག་གི་སྣང་བ། རག་ལ་རང་ཆས་སུ་བསྟན་པས། ཆོས་ཟད
29b3 པའི་ངང་དུ་ཐིམ་མོ།། འདི་སྐད་བདག་གིས་ཐོས་པའི་དུས་གཅིག་ན། གསང་བ་རོལ་བའི་དུར་ཁྲོད་མེ་འོད་འབར་བ་ཞེས་བྱ་བ། གཏི་མུག་གི་ནམ་མཁའ་ལ། ལོགས་ལ་ང་རྒྱལ་གྱི་བྲག་འཚེར་བ། རྩ་བར་འདོད
29b4 ཆགས་ཀྱི་ཆུ་འཁྲུག་པ། བར་ན་ཕྲག་དོག་གི་རླུང་འཚུབ་པ། གསེབ་ན་ཞེ་སྡང་གི་མེ་འབར་བ། དྲག་པོའི་གཞལ་ཡས་ཁང་དེ་ན། བཅོམ་ལྡན་འདས་གཞོན་ནུ་སྟོབས་ལྡན་ཆེན་པོ་ལ། འཁོར་དཔའ་བོ་དང་མཁའ
29b5 འགྲོའི་ཚོགས་ཀྱིས་བསྐོར་ནས་ཐབས་གཅིག་ཏུ་བཞུགས་སོ།། དེའི་ཚེ་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་སྟོན་པ་ཐུགས་རྗེ་ཅན། སངས་རྒྱས་ཡེ་ཤེས་ལུས་ཅན་གྱིས།། རྟེན་དང་ལམ་དང་གནད
29b6 དང་སྒོ་དང་། རང་གི་ངོ་བོ་གསུང་དུ་གསོལ། ཞེས་ཞུས་སྟོན་པས་བཀའ་སྩལ་པ།། གསང་བའི་བདག་པོ་ཁྱོད་ཉོན་ཅིག། བདེ་བར་གཤེགས་པའི་ཡེ་ཤེས་ལུས་ཅན་དེ། རྟེན་པ་རང་གི་ལུས་ཀྱི་བྱང་ཁོག་སྟོད་འདི་ལ
iiif viewer powered by OpenSeadragon
