| e-texts navigator |
| Wylie |
28a1 སྩལ་པ།། སྐྱབས་སོང་འགྲོ་ལ་ཕན་པ་ཡིས།། དགུ་གསུམ་བརྡ་དཔེ་ཏི་ལེའི་དབང་།། འ་ཨ་ཧ་ཤ་ས་མ་ཨོཾ་ཨཱཧཱུཾ། དེ་ནས་སྐུར་ཟིན་གསལ་ཡང་གདབ།། དམ་ཚིག་ཀུན་གྱི་ངོ་བོ་ནི།། ཧཱུཾ་ལས་བླ་མ་རྡོ
28a2 རྗེས་སེམས་དྲི་མེད་དཀར་མདངས་རིག་པའི་སྐུ།། སྐྱིལ་ཀྲུང་རྡོ་རྗེ་དྲིལ་བུ་བསྣམས།། མཛེས་པའི་རིན་ཆེན་རྒྱན་གྱིས་སྤྲས།། ཆེ་ཆུང་ཚད་མེད་མཚན་དཔེར་ལྡན།། ལྟ་བས་མི་ཆོག་མཐའ་དང་བྲལ།། ཡེ་ནས་རང
28a3 རིག་གསལ་ཡང་གདབ།། གནས་གསུམ་དཀར་དམར་མཐིང་བ་ལ།། འབྲུ་གསུམ་ཡེ་ནས་གསལ་ཡང་གདབ།། དེ་བཟླས་རང་གསལ་ནམ་མཁའ་ལ།། གསལ་སྟོང་རི་ལ་བལྟ་བར་བྱ།། ལུག་རྒྱུད་མིག་མངས་ཁྲོ་བོ
28a4 སྟེ།། ཤེལ་དཀར་མེ་ལོང་རྡོ་རྗེ་སེམས།། དེ་ནི་དུས་གསུམ་སངས་རྒྱས་ཡིན།། དབྱིངས་དང་ཡེ་ཤེས་ནི་ཁྲོའི་ལྷ།། གསལ་སྟོང་དབྱེར་མེད་འཇམ་དཔལ་སྐུ།། གྲག་སྟོང་དབྱེར་མེད་པདྨའི་གསུང་།། རིག་སྟོང་དབྱེར་མེད
28a5 ཡང་དག་ཐུགས།། བདེ་སྟོང་ཡོན་ཏན་བདུད་རྩི་ལྷ།། སྣང་སྟོང་ཕུར་པ་འཕྲིན་ལས་ལྷ།། མི་རྟོག་སྟོང་པ་མ་མོའི་ཚོགས།། མ་འགགས་རང་རྩལ་དྲེགས་པ་ཡིན།། འཆི་མེད་ཡེ་ཤེས་ཚེ་ཡི་ལྷ། དུས་གསུམ་སངས་རྒྱས
28a6 བཀའ་བརྒྱད་ཀྱི།། ཡབ་ཀྱི་སྙིང་པོ་ཨོཾ་ཡིན་ནོ།། ཡུམ་གྱི་སྙིང་པོ་ཨཱཿཡིན་ནོ།། ཡབ་ཡུམ་གཉིས་མེད་སྙིང་པོ་ཧཱུཾ་ཡིན་ནོ།། ཨོཾ་ནི་བདེ་ལ་ཨཱཿནི་གསལ།། ཧཱུཾ་ནི་མི་རྟོག་ནམ་མཁའ་འདྲ།། རང་དབང་མེད་པ་སྲོག་གི
iiif viewer powered by OpenSeadragon
