| e-texts navigator |
| Wylie |
12b1 ཕྱུག་མ་ལེགས་དགེས་ཆེན་པོའི་རོལ་བའི་སྐེགས་པར་ཉེ་བར་ལོངས་སྤྱོད་པ་དང་།། མ་མཆུའི་བདུད་རྩིའི་བཏུང་བས་བཅོམ་ལྡན་འདས་དགེས་པར་བྱས་ཏེ། ཁ་སྦྱར་གྱི་སྦྱོར་ཐབས་ལས་འདས་ནས། རི་རབ་ཀྱི་ཉི
12b2 རྡུལ་གྱི་གྲངས་ཀྱི་རྣལ་འབྱོར་མ་དང་ལྷན་ཅིག་པར་བསྐོར་བ་ལན་གསུམ་བྱས་ནས།། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་འདི་སྐད་ཅེས་གསོལ་ཏོ།། བཅོམ་ལྡན་ཡེ་ཤེས་ཟླ་བ་གྲགས།། ལྟེ་བའི
12b3 ཀུ་མུད་ཁ་འབྱེད་པ།། གང་ཞིག་ཅི་ཞིག་བདག་གིས་ཞུས།། མངའ་བདག་ཆེན་པོ་དེ་དག་གསུངས།། དཔལ་ལྡན་བླ་ན་མེད་པའི་རྒྱུད།། རྣལ་འབྱོར་མ་ཞེས་རབ་གྲགས་ལ།། ཨེ་ཝཾ་མ་ཡ་སོགས་པའི་སྒྲ།། དོན་ནི་ཇི
12b4 ལྟ་བུར་མི་བརྗོད།། བཅོམ་ལྡན་འདས་ཀྱི་བཀའ་སྩལ་པ།། ཉོན་ཅིག་ལྷ་མོ་སྤྱན་བཟང་རིང་།། ཁྱོད་ཀྱིས་བདག་ལ་གང་ཞིག་ཞུས།། ཨེ་བམ་མ་ཡ་སོགས་སྒྲ་ཡིས།། ཁམས་གསུམ་འགྲོ་དང་འགྲོར་བཅས།། ཤེས
12b5 རབ་ཐབས་ཀྱི་རང་བཞིན་ཡིན།། གཞན་གྱིས་མ་ཡིན་ཀུན་རྒྱས་བཏབ།། དེ་ཁོ་ན་ཉིད་སྒྲོན་མར་གྲགས།། དྲི་མེད་རྫོགས་པའི་འབྲས་བུའི་གཟུགས།། འདི་སྐད་བདག་གིས་དེ་བཞིན་གསུམ།། བདག་ཉིད་ཀྱིས་ནི
12b6 དང་བཅས་པ།། རང་བཞིན་བཞི་ཡི་བྱེ་བྲག་ཏུ།། དོན་དམ་པར་ནི་ཤེས་པར་བྱ།། ཐོས་པའི་དོན་ནི་ཟླ་བ་བདེ།། དེ་ནི་ནམ་མཁའ་བཞིན་དུ་མཆོག། གཅིག་ཅེས་བྱ་བ་གཞན་མཆོག་མཆོད།། སྲིད་དང་མྱ་ངན་འདས་པ
iiif viewer powered by OpenSeadragon
