| e-texts navigator |
| Wylie |
11b1 དྲུག་པ་རྡོ་རྗེའི་སྒྲ།། འོད་ཟེར་དཀར་དམར་འཁྱིལ་བ་ནི།། རིན་པོ་ཆེ་ཡི་སྲད་བུ་འམ།། གཞའ་ཚོན་ལྟ་བུ་འཁྲིལ་ཏེ་འཕྲོ།། ལས་དག་ལྷུམས་བཞུགས་སྦྲུལ་སྐུར་འགྱུར།། སྒྲ་འགྱུར་ཆོས་ཀྱི་འཁོར་ལོ་ཡིས།། ངན་སོང
11b2 ཞིང་དུ་ཡང་དག་སྒྲོལ།། ཡུལ་དུ་བཞི་བཅུ་རྩ་གཉིས་འགྲུབ།། སྤྱན་ནི་གོང་གི་མངོན་ཤེས་དྲུག། ལས་ལ་དབང་སྒྱུར་རྫུ་འཕྲུལ་ཅན།། འཁོར་བའི་མཐའ་ལ་གྲོལ་ཏེ་གནས།། གཉིས་སྣང་མ་འགགས་གཟུང་འཛིན
11b3 བྲལ།། གསང་བ་ཡང་ཁོལ་ལས།། ཡེ་ཤེས་སྒྱུ་མའི་སྦུབས་བསྟན་པའི་ལེའུ་སྟེ་ལྔ་པའོ།། །། ཐ་མ་རིན་ཆེན་སྦུབས་བསྟན་ཏེ།། དང་པོ་ཡེ་ཤེས་རླུང་སྟོབས་ཀྱིས།། གཙོ་བོ་མཉམ་ཉིད་དོན་ལ་སྦྱོར།། རིན་ཆེན་སྦུབས
11b4 སུ་ཤུགས་ཀྱིས་སྐྱོད།། འདེགས་བྱེད་སྟོབས་ཀྱི་མཁའ་ལ་དཀྱིལ།། བསྟན་མ་སྟོབས་ཀྱི་མི་གཡོ་སྟེ།། འཁོར་རྣམས་གཙོ་བོ་དག་ལ་ཐིམ།། གཙོ་བོ་ལྔ་ནི་རིག་པའི་ཀློང་།། རིན་ཆེན་སྦུབས་ན་བསྟན་པར་གནས།། འོད
11b5 འབར་སྐུ་ལྔ་སྦྲུལ་སྐུ་སྟེ།། སྤྱན་གསུམ་འོད་འབར་ལོངས་སྤྱོད་རྫོགས།། ཆོས་སྐུ་རང་གསལ་རྡོ་རྗེའི་ལུས།། རིག་པ་རང་ས་ཟིན་པའོ།། འབྱེད་མེད་གསལ་ཡེ་ཤེས་སྒྲ།། རང་སྣང་དག་པ་གནས་པའི་ཡུལ།། མཐའ
11b6 གྲོལ་ཆོས་ལས་འདས་པས་ནི།། རིན་ཆེན་སྦུབས་ཀྱི་མཚན་ཉིད་དོ།། དུམ་བུ་བཅུ་གཉིས་ཞེས་སུ་གྲགས།། གསང་བ་ཡང་ཁོལ་ལས།། རིན་པོ་ཆེ་གསང་བའི་སྦུབས་བསྟན་པའི་ལེའུ་སྟེ་དྲུག་པའོ།། །། དེ་དག
iiif viewer powered by OpenSeadragon
