| e-texts navigator |
| Wylie |
11a1 ལ་སྤྱན་ཀྱང་གསུམ།། ཡུལ་གསུམ་དགྲོལ་བའི་དགོངས་པ་གསུམ།། གསང་བ་ཡང་ཁོལ་ལས།། སྦུབས་གསུམ་མདོར་བསྟན་པའི་ལེའུ་སྟེ་གསུམ་པའོ།། །། ད་ལྟ་བག་ཆགས་སྦུབས་གནས
11a2 ཏེ།། ཙིཏྟ་རིན་ཆེན་གཞལ་ཡས་ན།། རིག་པ་རྟོག་མེད་ཆོས་ཀྱི་སྐུ།། དེ་ཡི་འོད་ལས་ལོངས་སྐུ་སྟེ།། སྐུ་ནི་མཚན་དང་དཔེ་བྱད་དུ།། འོད་ལྔའི་ཀློང་ན་རྫོགས་པར་བཞུགས།། རྟགས་ཀྱི་ཡེ་ཤེས་སྦྲུལ་སྐུ་སྟེ།། དེ
11a3 ཡི་ཐུགས་རྗེའི་རྩལ་སྣང་བའོ།། དོན་གྱི་ཡེ་ཤེས་ལྔ་རུ་གནས།། དཔེ་དོན་རྟགས་ཀྱིས་གཏན་ལ་དབབ།། ཆོས་ལ་དབང་སྒྱུར་ཤེས་རབ་སྤྱན།། འཁྲུལ་སྣང་དུ་མ་ཡུལ་དུ་སྣང་།། བློ་ལས་གྲོལ་བའི་དགོངས་པ་སྟེ།། སྒྲོ
11a4 འདོགས་གཅོད་པའི་དུས་ཡིན་ནོ།། མ་འདྲེས་ཡོངས་སུ་རྫོགས་པ་དང་།། གསལ་ལ་རྟོགས་པ་མེད་པ་དང་།། མཚན་མ་ཟིལ་གྱིས་ནོན་པའོ།། གསང་བ་ཡང་ཁོལ་ལས།། བག་ཆགས་ཀྱི་སྦུབས་གཏན་ལ་དབབ་པ
11a5 དང་བཅས་པའི་ལེའི་སྟེ་བཞི་པའོ།། །། བར་དུ་ཡེ་ཤེས་སྐུ་ཡིན་ཏེ།། འཇུག་དང་སྣང་དང་གྲོལ་རབ་འབྲིང་།། ཐ་མ་མཐར་ཕྱིན་གསུམ་ཞེས་བྱ།། ལྔ་ལྡན་རྫོགས་ལྡན་དགོངས་པ་སྟེ།། བཞི་བཅུ་རྩ་གཉིས་ལྷུན
11a6 རྫོགས་པས།། བྱ་བ་གྲུབ་པའི་ཡེ་ཤེས་ལྡན།། སངས་རྒྱས་ཆེ་བ་མཐར་རྫོགས་ནས།། མཚན་དཔེ་མངོན་ཤེས་དྲུག་དང་ལྡན།། རྣམ་རྟོག་མི་མངའ་ཅིར་ཡང་སལ་ལེ་མཁྱེན།། ཞལ་སྦྱོར་བར་ནས་འོད་འཕྲོ་བ།། ཡི་གེ
iiif viewer powered by OpenSeadragon
