| e-texts navigator |
| Wylie |
10b1 ལྡན་འདས་བདེ་བའི་དབང་ཕྱུག་གིས་བཀའ་སྩལ་པ་རྫོགས་སོ།། །། སློབ་དཔོན་རྒྱ་གར་གྱི་མཁས་པ་ཆེན་པོ་གཙུག་ན་མེ་འབར་གྱིས་འགྲེལ་པ་མདོ་བཀྲོལ་བ་ཞིགས་བཞུགས་ཏེ། དགུན་ཟླ་འབྲིང་པོའི་ཉ་གསུམ
10b2 ལ་བཏོན་ཏེ། སྣོད་དང་ལྡན་པའི་མི།། བྱང་ཆུབ་སེམས་དཔའི་མི་དག་རྙེད་ན། རྩ་བ་སྔོན་ལ་ཀུན་གྱི་དེ་བཞིན་བྱིན་ལ།། མདོ་འགྲེལ་ཕྱིས་སྦྱིན་ནོ།། དེ་ལྟར་མ་བྱས་ན་བཀའ་དམ་པ་ཁྱད་དུ་བསད་དེ། མོད་ལ་སྟེར
10b3 མཁན་ཁྲག་ཏུ་སྐྱུགས་ལ་དམྱལ་བར་ལྟུང་ངོ་།། ། @#།། རྒྱ་གར་སྐད་དུ། གུ་ཧྱེད་པ་ཏི་ཏནྟྲ་ནཱ་མ། བོད་སྐད་དུ། གསང་བ་ཡང་ཁོལ་གྱི་རྒྱུད་ཅེས་བྱ་བ། དཔལ་ཀུན་ཏུ་བཟང་པོ་ལ
10b4 ཕྱག་འཚལ་ལོ།། མ་བྱུང་མ་སྐྱེས་སྔོན་རོལ་ན།། ཐོག་མའི་སངས་རྒྱས་འོད་མི་འགྱུར།། ཀུན་གྱི་འབྱུང་གནས་ཆེན་པོར་བཞུགས།། གསང་བ་ཡང་ཁོལ་ལས།། སངས་རྒྱས་སེམས་ཅན་གྱི་སྣང་བཞི་བསྟན་པའི་ལེའུ་སྟེ
10b5 དང་པོའོ།། །། བར་དུ་འཁྲུལ་པའི་རྐྱེན་བཞིས་འཁྲུལ།། ཐ་མ་སངས་རྒྱས་སེམས་ཅན་གཉིས།། ངོ་བོ་གཅིག་ལས་གཉིས་སུ་སྣང་།། གསང་བ་ཡང་ཁོལ་ལས། སངས་རྒྱས་སེམས་ཅན་རྒྱབ་གྱེས་ཚུལ་བསྟན་པའི
10b6 ལེའུ་སྟེ་གཉིས་པའོ།། །། དེ་ཡང་གྲོལ་བའི་ཐབས་གསུངས་པ།། སྦུབས་གསུམ་དག་ཏུ་བསྡུས་ཏེ་བསྟན།། བག་ཆགས་སྦུབས་དང་ཡེ་ཤེས་སྦུབས།། རིན་ཆེན་སྦུབས་དང་རྣམ་པ་གསུམ།། སྦུབས་གསུམ་དག
iiif viewer powered by OpenSeadragon
