| e-texts navigator |
| Wylie |
8a1 ཚིམ།། རྫས་པོ་ཆེ་ལ་ཁྱེར་དབང་མེད།། ཨེ་མ་རྟག་ཏུ་རེ་སྟེ་གཅིག་མི་སྡོད།། ཨེ་མ་དེ་བས་ཅིས་ཀྱང་མ་ཕན་བླ་མའི་གདམས་ངག་ཞུས།། སྙན་རྒུད་ཞུས་ལ་རི་ཁྲོད་དགོན་པ་འགྲིམས།། བྱ་བ་ཟོང་ལ
8a2 གཅིག་པུར་ཉམས་སུ་ལོང་།། ཡུལ་ནོར་གཉེན་འདུན་འབྲེལ་བ་ཀུན་ཆོད་ལ།། ཨེ་མ་ཆོས་དང་སེམས་སུ་བསྲེས་དང་སྐལ་ལྡན་ཀུན།། ཐམས་ཅད་བོར་ནས་གཅིག་པུར་འགྲོ་ཙམ་ན།། སྐྱབས་ཆེ་སྐྱེལ་མ་འགྲོ་བའི
8a3 གནས་རྟོག་གམ།། ཀྱེ་མ་སྐལ་ལྡན་རྣམ་འབྱོར་ཀུན།། བླ་མའི་གདམ་ངག་བཅུད་འཐུང་ལ།། ཅིས་ཀྱང་བྱར་མེད་གཅིག་པུར་རི་ཁྲོད་འགྲིམས།། ཅི་ལའང་མི་ལྟ་མུ་མཐའ་གྲོལ་བར་ལྟོས།། ཅི་ཡང་མ་བསྒོམ་མིང་མེད
8a4 གཏིང་མཐའ་ཡས་པར་ཞོག། གང་ལའང་མ་སྤྱོད་སོ་མ་རྣམ་མ་ཟང་ཀ་བཤིས་མ་བཅོས་པའི་ཀློང་དུ་དལ་བར་སྡོད།། དེ་ལྟར་གོ་ན་འབྲས་བུ་གཞན་ན་མེད་དེ་རང་སངས་རྒྱས།། ཞེས་གསུང་སོ།། ནམ་མཁའ་ཉི་ཟླའི
8a5 རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། འཁོར་བའི་སེམས་ཅན་ཇི་ལྟར་འཁྲུལ་པར་བསྟན་པའི་ལེའུ་སྟེ་བཞི་པའོ།། །། དེ་ནས་ཀུན་བྱེད་རང་གྲོལ་གྱིས།། མིང་མེད་སྤྱི་ཕུད་སྟོན་པ་ལ།། སངས་རྒྱས་སེམས
8a6 ཅན་སྐྱོན་ཡོན་གང་གིས་བྱས།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། དེ་གཉིས་སྐྱོན་ཡོན་ངས་བཤད་ཀྱིས།། འཁོར་རྣམས་མ་ཡེངས་གུས་པས་ཉོན།། ཀུན་བཟང་སངས་རྒྱས་ཡོན་ཏན་ནི།། ཡོན
iiif viewer powered by OpenSeadragon
