| e-texts navigator |
| Wylie |
7b1 འདས།། ཨེ་མ་ཁམས་གསུམ་འགྲོ་དྲུག་སེམས་ཅན་རྣམས།། རྣམ་རྟོག་འཁོར་བའི་རྫབ་ནས་ཐོན་དུས་མེད།། ཀྱེ་མ་ཡང་དག་དོན་ལས་གྲོལ་བའི་སེམས་ཅན་རྣམས།། མ་རིག་དུག་ལྔའི་དབང་གིས་ནི།། རྣམ་རྟོག
7b2 འགོང་པོ་ངར་འཛིན་གྱིས།། རྒྱུན་ལོང་མུན་པའི་ཀློང་ན་འཁྱམས།། རང་འབར་སྒྲོན་མ་རང་གིས་གསད།། རང་གི་རང་གཉའ་རང་གིས་བཅིངས།། གཟུང་འཛིན་གཉིས་ཀྱི་སྒྲོག་ཏུ་བཅུག། རྣམ་རྟོག་བདག་ཏུ་འཛིན་པ
7b3 ཡིས།། ནན་གྱིས་ནམ་མཁའི་མདུད་པ་བྱས།། རང་མགོར་རང་གི་རྐང་པ་བཞག། རང་ལས་མེ་འབར་རང་ཆེན་སྐྱེས།། མདུད་པས་བཅིངས་ནས་མཚོ་རུ་ཞུགས།། དྲ་བར་འཐུམས་ནས་རྫ་ཀློང་ལྷུང་།། ཨེ་མ་ཁམས
7b4 གསུམ་འཁོར་བའི་སེམས་ཅན་རྣམས།། དངོས་གཞི་ཅང་མེད་མིང་བྲལ་མ་རྟོགས་པས།། རྩལ་སྣང་ཅིང་ཡང་སྣང་བའི་འཁྲུལ་སྣང་ལ།། དོན་དམ་བདེན་པར་བཟུང་བས་འགྲོ་དྲུག་འཁྲུལ།། རླུང་ལ་ཞོན་ནས་སྟོང
7b5 ཁམས་རྗེས་ཀྱིས་འགེངས།། མ་བཅོལ་ལས་བྱེད་རང་སེམས་ཐང་མར་ཡན།། ཁྱིམ་དུ་མི་སྡོད་རྒྱུ་འགྲུལ་དོན་མངས་པས།། འཇིགས་པ་དགྲ་ཡིས་ཁྱེར་བ་མ་ཚོར་རོ།། ཨེ་མ་སྐྱེས་ཚད་འཆི་བའི་ཚུལ་མཐོང་ན།། རྟག
7b6 ཏུ་རེ་བ་སྐྱིད་པ་བསྒྱུར།། འདུས་པ་འབྲལ་བའི་དཔེ་མཐོང་ན།། གྲོགས་སྙིང་སྡུག་འཚོལ་བ་སྐྱིད་པ་བསྒྱུར།། བསགས་ཚད་ལུས་པའི་དཔེ་མཐོང་ན།། ནོར་རྫས་སོགས་པ་སྦྲིད་པ་བསྒྱུར།། སེར་སྣ་ཅན་ལ་སྙིང་རེ
iiif viewer powered by OpenSeadragon
