| e-texts navigator |
| Wylie |
6b1 ཏེ།། ཐོག་མ་སེམས་ལ་གསལ་ཆ་ལྔ་ཡོད་པས།། གཞི་ལྔའི་རྩལ་ལས་རླུང་ལྔ་རུ་ཤར།། འབྱུང་ལྔའི་རྩལ་ལས་འོད་ལྔར་ཤར།། འོད་ལྔའི་རྩལ་ལས་ཟེར་ལྔར་འཁྲུལ།། ཟེར་ལྔའི་རྩལ་ལས་ཤེས་པའི་སྣང་ཚུལ
6b2 ལྔ།། ཤེས་པ་ཡང་དག་དོན་ཤེས་དངས་མ་ལྔར་གྲོལ་བས།། མིང་མེད་གཏིང་མཐའ་མེད་པར་ཐོག་མར་ཡེ་སངས་རྒྱས།། གོང་ལྟར་འཁྲུལ་ནས་འཁྲུལ་རྩད་ཆོད།། ཀུན་བཟང་བྱ་རྩལ་མེད་པར་ཡེ་སངས་རྒྱས
6b3 སོ།། འགྲོ་དྲུག་ཁམས་གསུམ་འཁོར་བའོ་སེམས་ཅན་རྣམས།། དཔེར་ན་ནམ་རླང་ཆ་ལས་ལ་ཆུ་ཞུ་བ་བཞིན།། དེ་བཞིན་སེམས་ཅན་འཁྲུལ་པ་ཡང་།། བྱེད་མཁན་མེད་པར་རང་བཞིན་ཤུགས་ཀྱིས་འཁྲུལ།། ཐོག་མ
6b4 འོད་ལྔ་རྩལ་ལྔ་ཟེར་དང་ལྡན་ཡོད་པས།། སྟོང་པ་གསལ་བ་འགག་མེད་ཤུགས་འབྱུང་ལྔ།། ངོ་ཤེས་སྐུ་ལྔ་ཡེ་ཤེས་ལྔ།། རང་བཞིན་ངོ་བོ་ཐུགས་རྗེ་ལས།། མ་ཤེས་དུག་ལྔ་ཉོན་མོངས་ལྔ།། དེ་ལྔ་ཡོད་པས་དུག་ལྔར
6b5 འཁྲུལ།། དེ་ལས་འབྱུང་བ་ལྔ་རུ་འཁྲུལ།། དེ་ལས་གཟུགས་སྣང་ལྔ་རུ་འཁྲུལ།། དེ་ལས་འབྱུང་བ་ལྔ་ཡིས་བསྡུས།། དེ་ལས་དོན་སྙིང་ལྔ་རུ་འཁྲུལ།། དེ་ལས་ནང་རོལ་སླད་ལྟར་འཁྲུལ།། དེ་ལས་དབང་པོ་ལྔ་རུ
6b6 འཁྲུལ།། དེ་ལ་དབུགས་དང་རླུང་ལྔས་བརྟེན་པར་བྱས།། དེ་ལྟར་འཁྲུལ་ཏེ་མངལ་སྒོ་འདྲིམས།། དངོས་པོས་ཤ་ཁྲག་གཟུགས་སུ་འཁྲུལ།། ཕ་ཞེ་སྡང་རྒྱུ་ལས་ཤ་དང་རུས་སུ་ཆགས།། མ་འདོད་ཆགས་རྐྱེན་གྱིས་ཁྲག
iiif viewer powered by OpenSeadragon
