| e-texts navigator |
| Wylie |
6a1 མེད་ཐེག་པ་མེད་པས་ལྟ་བའི་ཕུགས་སུ་བསྐྱོལ།། ཅེས་གསུངས་སོ།། ནམ་མཁའི་ཉི་ཟླའི་རྒྱལ་པོ་མུ་མེད་མཐའ་ཡས་ཀྱི་རྒྱུད་ལས།། ཀུན་གྱི་དངོས་གཞི་བསྟན་པའི་ལེའུ་སྟེ་གསུམ
6a2 པའོ།། །། དེ་ནས་ཀུན་བྱེད་རང་གྲོལ་གྱིས།། མིང་མེད་ཀ་དག་སྟོན་པ་ལ།། དངོས་གཞི་ཅི་ཡང་མེད་པ་ལས།། རྩལ་ཟེར་ཁམས་གསུམ་འཁོར་བ་ཇི་ལྟར་འཁྲུལ།། ཅེས་སྟོན་པ་ལ་ཞུས་པ་དང་།། སྟོན་པས
6a3 འཁོར་ལ་བཀའ་སྩལ་པ།། ཨེ་མ་དངོས་གཞི་མིང་མེད་མཐའ་སྟོངས་སྐྱེ་བ་མེད་པ་ལས།། དེ་ལྟར་མ་གོ་བ་ཡི་འགྲོ་དྲུག་སེམས་ཅན་གྱིས།། རིག་མེད་ཡིད་འགྲུས་སེམས་སུ་འཁྲུལ་བ་ལས།། དངོས་གཞི་ཅི་ཡང་མེད
6a4 པ་ལ།། རྩལ་ཟེར་མཚན་ཉིད་ཅིར་ཡང་སྣང་།། ཐོག་མར་ཡུན་རིངས་རིག་པ་མགོ་རླུང་ལངས།། ཕྱ་སངས་བན་བུན་ཁྱེར་ཏེ་རིག་པ་ཀུན་ཏུ་འགྱུ།། ཡིན་ནམ་མིན་གྱི་རྣམ་ཤེས་སྐྱེས།། མིང་མེད་མིང་བཏགས་སེམས་ཀྱི
6a5 འདོད་པ་སྐྱེས།། ཀུན་འཚོལ་གཏན་འབེབས་ངེས་འཇོག་འཁོར་ལོ་གསུམ།། ཇི་ཞིག་ལྟར་ལ་རང་ངོ་རང་མ་ཤེས་ཤིང་།། མིང་མེད་མ་རྟོགས་གཏིང་མཐའ་མ་གྲོལ་བས།། ཀ་དག་མ་རིག་སྐྱེ་མེད་མ་རྟོགས་པ།། དེ
6a6 ཕྱིར་མ་རིག་མུན་པ་ལས།། མུན་པའི་འཁོར་སྒོ་རྐྱེན་དུ་ཤར།། རིམས་འཁྲུལ་རིག་གཟུགས་བག་ཆགས་གཟུགས།། སེམས་ཀྱི་གསལ་ཆ་ལྔ་རུ་ཤར།། གསལ་དང་མི་གཡོ་རྒྱུ་མཆད།། མི་འགྱུར་གཡོ་ཞིང་འགུལ་བས
iiif viewer powered by OpenSeadragon
