| e-texts navigator |
| Wylie |
5b1 བཤད།། འཁོར་འདས་ཀུན་གྱི་དངོས་གཞི་ནི།། ངོ་བོ་ཅི་ཡང་གྲུབ་པ་མེད།། མཚན་ཉིད་ཅིར་ཡང་སྣང་བའོ།། དངོས་གཞི་ཀ་དག་ཆེན་པོ་ཡིན།། དངོས་གཞི་གཏིང་མཐའ་མེད་པ་ཡིན།། དངོས་གཞི་མཚོན་མེད
5b2 བརྗོད་མེད་ཡིན། དངོས་གཞི་མིང་མེད་མཐའ་སྟོངས་ཡིན།། དངོས་གཞི་སྐྱེ་བ་མེད་པ་ཡིན།། དངོས་གཞི་ཀ་དག་ཆེན་པོ་ཡིན།། དངོས་གཞི་དངོས་མེད་མཐའ་བྲལ་ཡིན།། དངོས་གཞི་མ་བཅོས་རྣལ་མ
5b3 ཡིན།། དངོས་གཞི་སོ་མ་ཟང་ཀ་ཡིན།། དངོས་གཞི་མ་བྱས་རང་འཁྲུངས་ཡིན།། དངོས་གཞི་མུ་མཐའ་གྲོལ་བ་ཡིན།། དངོས་གཞི་ཁ་གཏིང་མེད་པ་ཡིན།། དངོས་གཞི་རྒྱུ་རྐྱེན་མེད་པ་ཡིན།། དངོས་གཞི་འཕོ་འགྱུར
5b4 བྱ་རྩལ་མེད་པ་ཡིན།། དངོས་གཞི་རྒྱུ་རྐྱེན་གཉེན་པོས་མི་ཤིགས་ཡིན།། དུས་གསུམ་འཕོ་འགྱུར་མེད་པ་ཡིན།། སྐྱེ་འགག་སྐྱེ་འཇིག་མེད་པ་ཡིན།། ཡིན་མིན་དབྱེ་བསལ་དགགས་བསྒྲུབ་མེད་པ་ཡིན།། གཟུང་འཛིན
5b5 སློང་ལེན་མེད་པ་ཡིན།། བདག་གཞན་ཡུལ་སེམས་མེད་པ་ཡིན།། མ་རིག་ཡུལ་སེམས་གཉིས་སུ་མེད་པ་ཡིན།། སངས་རྒྱས་སེམས་ཅན་གཉིས་སུ་མེད་པ་ཡིན།། འཁོར་བ་མྱང་འདས་གཉིས་སུ་མེད་པ་ཡིན།། དུག
5b6 གསུམ་སྐུ་གསུམ་གཉིས་སུ་མེད་པ་ཡིན།། དུག་ལྔ་སྐུ་ལྔ་གཉིས་སུ་མེད་པ་ཡིན།། དེ་དག་ཐམས་ཅད་རང་བཞིན་ཀྱང་།། དངོས་གཞི་མིང་མེད་གཏིང་མཐའ་ཡས།། སེམས་དང་ཆོས་མེད་ཟད་པར་བསྐྱལ།། རིག
iiif viewer powered by OpenSeadragon
