| e-texts navigator |
| Wylie |
4b1 པའོ།། ཡན་ལག་རྩལ་ཟེར་ཕུན་སུམ་ཚོགས་ལྔ་ནི།། རང་བཞིན་འོད་ལྔའི་གནས་ན་རང་བྱུང་སྟོན་པ་ཡིས།། རྩལ་ལྔའི་འཁོར་ལ་ཟེར་མདངས་བསྟན་པ་བཤད།། རྩལ་ཟེར་དང་དངས་སྙིང་པོའི་ཀློང་གྲོལ
4b2 དུས།། གཞི་རྩལ་དབྱེར་མེད་ཕུན་སུམ་ཚོགས་པ་ནི།། ངང་དངས་སྙིང་པོ་ཆོས་ཉིད་རང་གནས་སུ།། འགག་མེད་འོད་གསལ་སྟོན་པས་འཁོར་ལ་རང་གྲོལ་བསྟན།། རྩལ་ཟེར་དང་དངས་རང་གྲོལ་འཁོར་ལ
4b3 བཤད།། རང་བྱུང་དང་དངས་སྙིང་པོའི་ཀློང་གྱུར་དུས།། སྙིང་པོ་རྩལ་ཟེར་དབྱེར་མེད་ཕུན་སུམ་ཚོགས་པའོ།། ཞེས་གསུངས་སོ།། ཕུན་སུམ་ཚོགས་པ་གསལ་བར་བཀོད་པའོ།། ནམ་མཁའ་ཉི་ཟླའི་རྒྱལ་པོ་མུ་མེད
4b4 མཐའ་ཡས་རྒྱུད་ལས།། ཕུན་སུམ་ཚོགས་པ་བསྟན་པའི་ལེའུ་སྟེ་དང་པོའོ།། །། དེ་ནས་ཀུན་བྱེད་རང་གྲོལ་གྱིས།། སྟོན་པའི་རྒྱལ་པོ་མིང་མེད་མཐའ་སྟོངས་ལ།། པུས་བཙུགས་ཐལ་སྦྱར་གུས་པས་འདི་སྐད
4b5 ཞུས།། ཀུན་གྱི་དངོས་གཞི་ཇི་ལྟར་གྲུབ།། དེ་ལས་འཁོར་འདས་ཇི་ལྟར་འཁྲུལ།། སངས་རྒྱས་སེམས་ཅན་སྐྱོན་ཡོན་གང་གིས་བྱས།། དེ་ཉིད་དབྱེར་མེད་ཇི་ལྟར་གྲོལ།། འགྲོ་དྲུག་གཡང་ས་གང་གིས་བཅད།། སྣང
4b6 སྲིད་ཆོས་རྣམས་ཇི་ལྟར་གྲོལ།། མིང་མེད་མཐའ་བྲལ་གང་གིས་རྟོགས།། སྙིང་པོ་ཆོས་སྐུ་རྟོགས་ཐབས་ལ།། རྩོལ་བསྒྲུབས་བྱ་རྩལ་མི་འཚལ་ལམ།། མིང་མེད་མཐའ་ཡས་དོན་རྟོགས་ན།། ཐེག་པའི་བྱེ་བྲག་ཡོད
iiif viewer powered by OpenSeadragon
