| e-texts navigator |
| Wylie |
4a1 རྒྱ་གར་སྐད་དུ།། རྭ་རྒའ་ཏྲདྲ་ཊ་ཤྭའ་ན་ནྱ་ཏྱ།། རྒྱ་སྐད།། བོད་སྐད་དུ་བསྒྱུར་བ།། ཨཱ་ཀ་ཤ་སཱུརྱ་ཙན་དྲ་ར་ཙ་མུ་སུ་མ་ཡ་ཏན་ཏྲ།། བོད་སྐད་དུ།། ནམ་མཁའ་ཉི་ཟླའི་རྒྱལ་པོ་མུ་མེད་མཐའ་ཡས་ཀྱི
4a2 རྒྱུད།། བཀའ་སེམས་ཕྱོགས་ཐམས་ཅད་ཀྱི་ཐོད་རྒལ།། ཐེག་པ་དགུའི་གོང་སྒལ།། སྠི་ཏིའི་གཉའ་གཅོག་ཡིན། བཀའ་རྒྱུད་སྡེ་མཐའ་དག་གི་ལ་ཕུད་རྩེ་རྒྱལ།། རྒྱུད་ཐམས་ཅད་ཀྱི་རྒྱལ་པོ།། ནམ་མཁའ་ཉི་ཟླའི་རྒྱལ
4a3 པོ་མུ་མེད་མཐའ་ཡས།། དེ་ཁོ་ན་ཉིད་མིང་མེད་མཐའ་ཡས་ལ་ཕྱག་འཚལ་ལོ།། འདི་སྐད་བདག་གིས་རྟོགས་ལ་བཤད་པའི་དུས་གཅིག་ན།། ཆོས་ཉིད་མུ་མཐའ་གྲོལ་ཞིང་གཏིང་མཐའ་ཡངས་པའི་ཀློང་ནས།། མིང
4a4 མེད་མཐའ་སྟོངས་ཀ་དག་འོད་གསལ་བའི་ལྷ་ཁང་ན།། སྟོན་པའི་རྒྱལ་པོ་མུ་མེད་མཐའ་ཡས་འདི།། འཁོར་གྱི་རྒྱལ་པོ་ཀུན་བྱེད་པ་ལ་བཤད།། དུས་ཀྱི་རྒྱལ་པོ་ཐོག་མཐའ་མེད་པའི་དུས།། སྡུད་པ་པོ་ནི་རྡོ་རྗེ་སེམས
4a5 དཔའ་འོ།། དེ་ཡི་རྗེས་འཇུག་ཕུན་སུམ་ཚོགས་ལྔ་ནི།། སྙིང་པོ་ཆོས་དབྱིངས་གནས་མ་སྐྱེ་མེད་ཆོས་སྐུ་ཡིས།། མཚོན་མེད་སྟོན་པས་རང་བྱུང་འཁོར་ལ་བཤད།། དུས་གསུམ་གཅིག་སྟེ་སྔ་ཕྱི་མེད་པའི་དུས།། དེ་ཡི
4a6 གདུང་སོབ་ཕུན་སུམ་ཚོགས་ལྔ་ནི།། ཀུན་གཞིའི་ཀློང་ནས་འབྱུང་ལྔའི་སྟོན་པ་ཡིས།། འོད་ལྔ་འཁོར་ལ་ཟེར་ལྔའི་བསྟན་པ་བཤད།། རྩལ་ཟེར་འོད་ལྔའི་ཀློང་དུ་དངས་པའི་དུས།། ཐོག་མ་སྙིང་པོའི་ཕུན་སུམ་ཚོགས
iiif viewer powered by OpenSeadragon
