| e-texts navigator |
| Wylie |
3b1 བཀའ་སྩལ་པ།། ལག་ན་རྡོ་རྗེས་ངེས་ཟུང་ཞིག། མཚན་དང་རྗོད་བྱེད་རྣམ་པ་གཉིས།། མཚན་གྱི་སྐུ་དང་ཡེ་ཤེས་མཚན་ནས་བརྗོད་པས།། རྟོག་པའི་ཡེ་ཤེས་རྒྱུད་ལ་ཤར།། ཚིག་གི་རྒྱུད་ཀྱི་མཚན་བརྗོད་པས།། རབ
3b2 ཀྱིས་དོན་གྱི་དགོངས་པ་ལོངས།། རྗོད་བྱེད་སྤྱི་རྒྱུད་ཆེན་པོ་ཡིན།། མཚན་བརྗོད་ཅེས་ཀྱང་དེ་ལ་བྱ།། ཞེས་གསུངས་སོ།། འཇམ་དཔལ་བཤད་པའི་རྒྱུད་ལས།། མཚན་བརྗོད་ཀྱི་དོན་བཤད་པ་སྟེ་ལེའུ་བཞི
3b3 པཔའོ།། །། དེ་ནས་ཡང་ལག་ན་རྡོ་རྗེ་སྣ་དྲངས་ནས་བསྐོར་བ་བྱ་སྟེ།། འདི་སྐད་ཅེས་གསོལ་ཏོ།། ཨེ་མ་ཧོ་བཅོམ་ལྡན་རྡོ་རྗེ་འཆང་།། རྒུད་གསུམ་མཚན་གྱི་ངེས་དགོངས་ཀྱིས།། བདག་བཞན་དོན་གྱི་སྣང་བ
3b4 གསལ།། རྒྱུད་ཆེན་མཚན་དོན་དགོངས་པ་བཀྲོལ།། འགྲོ་བའི་མགོན་པོ་རྗེས་ཡི་རང་།། ཞེས་གསུངས་སོ།། འཇམ་དཔལ་བཤད་པའི་རྒྱུད་ལས།། རྗེས་སུ་ཡི་རང་བ་སྟེ་ལེའུ་ལྔ་པའོ།། །། འཇམ་དཔལ་བཤད
3b5 པའི་རྒྱུད་ལས།། དོན་གྱི་སྒྲོན་མ་བསྟན་པའི་ལེའུ་སྟེ་ཡང་སྙིང་རྫོགས་སོ།། །། སྔགས་ཀྱི་བསྲུང་མས་བཀའི་བྱར་གྱིས།།
iiif viewer powered by OpenSeadragon
