| e-texts navigator |
| Wylie |
3a1 ནི་རྣམ་པ་བཞི།། ཆོས་ཉིད་དག་ལ་ཆོས་ཀྱི་སྐུ་ཡིས་བརྒྱན།། ཆོས་ཀྱི་སྐུ་ལ་ཡེ་ཤེས་ཀྱི་གདངས་དང་ཆས་པས་བརྒྱན།། ཡེ་ཤེས་གདངས་ལ་ཐུགས་རྗེའི་གཟུགས་སྐུས་བརྒྱན།། ཐུགས་རྗེའི་སྐུ་ལ་བསྟན
3a2 པའི་སྙིང་པོས་བརྒྱན།། རྒྱན་ཅེས་བྱ་བ་དེ་ལྟར་རོ།། ཞེས་གསུངས་སོ།། འཇམ་དཔལ་བཤད་པའི་རྒྱུད་ལས།། ཡེ་ཤེས་རྒྱན་གྱིས་བཤད་པ་སྟེ་ལེའུ་གཉིས་པའོ།། །། དེ་ནས་ཡང་ལག་ན་རྡོ་རྗེ་ཞུས
3a3 པ།། དགོངས་པ་ཞེས་ནི་ཅི་ལ་བགྱི།། འདུས་པ་ཞེས་པ་ཇི་ལྟར་ལགས།། ཐུགས་རྗེ་ཆེན་པོས་གསུང་དུ་གསོལ།། ཅེས་ཞུས་སོ།། སྟོན་པས་བཀའ་སྩལ་པ།། རྡོ་རྗེ་འཛིན་པས་ངེས་ཟུང་ཞིག། དགོངས་པ་ཞེས་པའི་བྱ།
3a4 བ་ནི།། གདུལ་བྱའི་བསམ་པ་ལ་དགོངས་ནས།། རབ་འབྲིང་བློ་དང་སྦྱར་ནས་སུ།། ཐ་མ་རྣམས་ལ་མཚན་ཉིད་སྡེ་གསུམ་བསྟན།། འབྲིང་ལ་གསང་སྔགས་ཕྱི་ནང་བསྟན།། རབ་ལ་ཨ་ཏི་མ་ནོར་བསྟན།། དགོངས་པ
3a5 ཞེས་ཀྱང་དེ་ལ་བྱ།། འདུས་པ་བྱ་བ་རྣམ་པ་གཉིས།། སྤྱི་ཡི་དགོངས་པ་ཚད་དུ་འདུས།། མཚན་གྱི་དགོངས་པ་ལེའུ་ལྟར་འདུས་པས།། འདུས་པ་ཞེས་ནི་བྱ་བའོ།། ཞེས་འཇམ་དཔལ་བཤད་པའི་རྒྱུད་ལས།། དགོངས
3a6 པ་འདུས་པའི་དོན་བཤད་པ་སྟེ་ལེའུ་གསུམ་པའོ།། །། དེ་ནས་ཡང་ལག་ན་རྡོ་རྗེ་ཞུས་པ།། མཚན་བརྗོད་ཅེས་ཀྱང་ཅི་ལ་བགྱི།། ཐུགས་རྗེ་ཆེན་པོས་གསུང་དུ་གསོལ།། ཞེས་ཞུས་སོ།། རྡོ་རྗེ་འཆང་གིས
iiif viewer powered by OpenSeadragon
