| e-texts navigator |
| Wylie |
2b1 གཉིས།། ཡེ་ཤེས་རྣམ་གསུམ་དཔལ་ཡིན་ནོ།། འཇམ་དཔལ་དང་ལ་དཔལ་གྱིས་སོ།། འཇམ་དཔལ་བཅོམ་ལ་དཔལ་གྱིས་ལྡན།། དེ་ཡི་དགོངས་པ་དང་སྦྱར་ན།། འཇལ་དཔལ་དང་སྟེ་མ་བཅོས་གཡོས་པ
2b2 མེད།། རང་བཞིན་མ་འགགས་སྐུ་དང་ཡེ་ཤེས་དཔལ་མ་འགགས་དོན་ལ་སྦྱོར་བའོ།། འཇམ་དཔལ་ཞེས་ཀྱང་དེ་ལ་བྱ།། དོན་གྱི་འཇམ་དཔལ་ཀུན་མཐུན་ཏེ།། ཚིག་རྒྱུད་ལེའུ་བཅུ་པ་དང་།། རྒྱུ་དང་ལྔ་ཡི་བདག
2b3 ཉིད་ཅན།། ཅེས་གསུངས་སོ།། འཇམ་དཔལ་བཤད་པའི་རྒྱུད་ལས།། འཇམ་དཔལ་སྤྱིའི་བསྟན་པ་སྟེ་ལེའུ་དང་པོའོ།། །། དེ་ནས་ཡང་སྟོན་པས་གསུངས་སོ།། རྡོ་རྗེ་འཛིན་པ་ངེས་ཟུང་ཞིག། ཡེ་ཤེས་ལ་ཡང
2b4 རྣམ་པ་གཉིས།། ཚིག་དང་དོན་དུ་བསྟན་པ་ཡིན།། དོན་གྱི་ཡེ་ཤེས་རྒྱུ་ཡང་ལྔ།། ཡང་ན་གཉིས་སུ་བསྡུས་པ་ཡིན།། འཕྲལ་འབྱུང་མེད་དང་ཡེ་ཤེས་དང་།། མན་པའི་དོན་ཀྱང་དེ་བཞིན་ནོ།། ཚིག་གི་ཡེ་ཤེས་རྫོགས
2b5 ཆེན་ལུང་།། གཞན་གྱི་ཡེ་ཤེས་དོན་མི་ཤེས།། རྫོགས་ཆེན་ཡེ་ཤེས་གཏན་འབེབས་པས།། ཡེ་ཤེས་དོན་གྱི་ངོ་བོ་གསལ།། ཡེ་ཤེས་ཞེས་ཀྱང་དེ་ལ་བྱ།། རྒྱན་ཅེས་བྱ་བ་རྣམ་པ་གཉིས།། བརྗོད་བྱ་དོན་དང་རྗོད་བྱེད
2b6 ཚིག། ཚིག་གི་རྒྱན་ནི་རྣམ་པ་གཉིས།། འཇམ་དཔལ་ཚིག་ལ་རྫོགས་ཆེན་ལུང་གིས་བརྒྱན།། རྫོགས་ཆེན་ཚིག་ལ་འཇམ་དཔལ་ལུང་གིས་བརྒྱན།། གཅིག་ལ་གཅིག་མཛེས་གསེར་ལ་གཡུས་སྤྲས་འདྲ།། དོན་གྱི་རྒྱན
iiif viewer powered by OpenSeadragon
