| e-texts navigator |
| Wylie |
26b1 པས་བང་མཛོད་འདྲ།། ཅི་བཏབ་སྐྱེ་བས་ས་གཉི་འདྲ།། ཀུན་ལ་ཁྱབ་པས་ནམ་མཁའ་འདྲ།། མ་འགགས་འབྱུང་བས་འོད་ཟེར་འདྲ།། འབྲེལ་བ་ཡོད་པས་སྤུ་གྲི་ཤེས་རྒྱུས་འདྲ།། ཤུགས་ལས་འབྱུང་བས་ཙན་དན་གླ
26b2 རྩི་འདྲ།། འཁྲུལ་པས་འབྱུང་པས་ཐག་པ་ཐོ་ཡོར་སྦྲུལ་མི་འདྲ།། སྒྲིབ་གཡོག་མུན་པས་ལིང་ཐོག་འདྲ།། མ་ཤེས་གྱད་ནོར་དབུལ་མོའི་གཏེར་དང་འདྲ།། མཚན་དཔེ་ཟླ་འཛུག་སྒྲོན་མེ་འདྲ།། གཉིས་མེད་ག་པུར་དཔེ
26b3 དང་འདྲ།། སྣང་ཚུལ་ཕུག་རོན་སྐེ་དང་འདྲ།། འགྱུར་མེད་གསེར་གྱི་དཔེ་དང་འདྲ།། དངོས་མེད་སྨིག་སྒྲའི་དཔེ་དང་འདྲ།། འགྱུ་བ་ཆུ་དང་སྤྲེའུ་འདྲ།། མཐའ་མེད་ནམ་མཁའི་དཔེ་དང་འདྲ།། རྟོག་དཔེ་ནམ་ལངས་ཉི
26b4 ཤར་འདྲ།། དངོས་པོ་གཤིས་ཀྱི་གནས་ལུགས་དེ།། བསམ་དབང་ཕྱོགས་ནས་དཔེ་ཡིས་མཚོན།། དངོས་པོའི་ཕྱོགས་ནས་དཔེ་ལས་འདས།། རྩལ་སྣང་ངོས་ནས་ཚིག་གིས་མཚོན།། གཞི་ཡི་ངོས་ནས་ཚིག་ལས
26b5 འདས།། ཡན་ལག་ངོས་ནས་དབྱེ་བསལ་བྱུང་།། སྙིང་པོའི་ངོས་ལ་དབྱེ་བསལ་མེད།། མཚན་ཉིད་ངོས་ནས་སྐྱེ་འཇིག་བྱུང་།། གནས་ལུགས་ངོ་ལ་སྐྱེ་འཇིག་མེད།། བུ་ཡི་ངོས་ནས་སྐྱེ་འཇིག་བྱུང་།། མ་ཡི་ངོས་ནས
26b6 འཕོ་འགྱུར་མེད།། འདྲ་གཞི་གཅིག་ལས་དཔེ་ཡིས་མཚོན།། དངོས་པོའི་ཡོད་པས་དམིགས་སུ་ཡོད།། དངོས་པོའི་མེད་པས་དམིགས་སུ་མེད།། དངོས་པོ་གཤིས་ཀྱི་གནས་ལུགས་ལ།། སྨྲ་བསམ་བརྗོད་པའི་ཡུལ
iiif viewer powered by OpenSeadragon
