| e-texts navigator |
| Wylie |
26a1 ནས་འདི་སྐད་ཅེས་གསོལ་ཏོ།། དང་པོ་ཇི་ལྟར་གནས་པའི་གནས་ལུགས་དང་།། སངས་རྒྱས་རྟོགས་ཏེ་ཆེ་བའི་ཡོན་ཏན་དང་།། སེམས་ཅན་མ་རྟོགས་ཁམས་གསུམ་ཇི་ལྟར་འཁོར།། འཁོར་བ་རྩད
26a2 ནས་གཅད་པའི་གཅད་ལུགས་དང་།། ཆོད་ནས་འབྲས་བུ་ཐོབ་པའི་ཐོབ་ལུགས་དང་།། མི་འགྱུར་གདེང་གིས་ཟིན་ལུགས་ཇི་ལྟར་ལགས།། སྐུ་གསུམ་དབྱེར་མེད་སྟོན་པ་ཡིས།། བདག་ཅག་འདུས་པའི་འཁོར་ལ
26a3 གསུང་དུ་གསོལ།། ཅེས་ཞུས་སོ།། རིན་པོ་ཆེ་བདུད་རྩི་བཅུད་ཐིགས་རིགས་དྲུག་གཡངས་གཅོད་པའི་རྒྱུད་ལས།། གླེང་གཞིའི་ལེའུ་སྟེ་དང་པོའོ།། །། དེ་ནས་རང་གསལ་ཁྱེའུ་ཆུང་གིས།། སྐུ་གསུམ་དབྱེར
26a4 མེད་སྟོན་པ་ལ།། གནས་ལུགས་དོན་ནི་བཤད་དུ་གསོལ།། ཅེས་གསོལ་པ་དང་།། སྟོན་པས་འཁོར་ལ་བཀའ་སྩལ་པ།། གནས་ལུགས་མཚན་ཉིད་བརྡ་དང་དཔེས་བསྟན་གྱིས།། དད་པ་དང་ལྡན་ཤིན་ཏུ་གུས
26a5 པས་ཉོན།། དངོས་པོ་གཤིས་ཀྱི་གནས་ལུགས་ནི།། བརྗོད་པའི་ཡུལ་དུ་མ་གྱུར་ཏེ།། འཁོར་གྱི་རྟོག་པ་བསལ་བའི་ཕྱིར།། རིན་ཆེན་ཤེས་པར་འོད་གསལ་བས།། མགུར་གྱི་བུམ་པ་རྒྱ་མདུད་འདི།། ལྗགས་ཀྱི་པདྨས
26a6 གསལ་བར་བཤད།། དང་པོ་གཞི་ཡི་འདུག་ཚུལ་འདི།། བརྡ་དང་དཔེ་ཡིས་བསྟན་པར་བྱ།། མི་ཟད་འབྱུང་བས་ས་ཡི་གཏེར་མཛོད་འདྲ། དགོས་དགུ་ཅི་འདོད་འབྱུང་བས་རིན་ཆེན་འདྲ།། ཟད་མེད་གཏེར་ལ་སྤྱོད
iiif viewer powered by OpenSeadragon
